انگلستان ده قاچقینلر بیلن تیگیشلی قانون لایحه سی پارلمان تامانیدن قبول قیلیندی

انگلستان ده حکومت تامانیدن 7 مارچده اعلان قیلینگن انگلیس کانالی (دینگیزی) آرقه لی نا قانونی روشده کیمه لر بیلن اولکه گه کیرگن قاچقینلرگه توسیق بولیش اوچون "ناقانونی روشده گی کوچ قانونی" پارلماندن قبول بولیب چیقدی.

اولکه ده قاچاق کوچمنلرنینگ عدلی تیرگاو بولمه توروب 28 کون ایچیده اوز اولکه لری ویا راوندا کبی خوفسیز ایتیب تن آلینگن ایریم اولکه لرگه دیپورت قیلینیشینی اوز ایچیگه آلگن قانون لایحه سی پارلمان ده قبول بولیب چیقدی.

قاچقینلر پناهنده لیک طلبلرینی و قانونی حقلرینی ایسه دیپورت قیلینگندن کیین تعقیب ایته دیلر.

اوشبو قانون لایحه سی قراللیک تامانیدن تصدیقلنیشی نینگ آرتیدن عملی بولیب باشلنه دی.

قانون لایحه سی بعضی بیر ملت وکیللری و انسان حقلری مدافعه چیلری تامانیدن «غیر انسانی» و «ظالمانه» ایتیب قاره لنماقده.

انگلیس حکومتی راوندا بیلن قانون لایحه سی دایره سیده بیر کیلیشووگه قول قویگندی.