روسیه ده قیریم کوپریگی ترافیک که یاپیب قوییلدی

یریم کوپریگی (عاجل وضعیت) طفیلی ترافیک که یاپیب قوییلدی.

روسیه تامانیدن ناقانونی روشده قوشیب آلینگن قیریم نینگ اوزیچه والیسی سرگی اکسینوف بیرگن یازمه بیاناتده انیق معلومات بیرگن حالده کوپریکده عاجل وضعیت یوزبیرگن لیگینی بیلدیردی.

خوددی شو عاجل وضعیت طفیلی کوپریک نینگ ترافیک که یاپیب قوییلگن لیگینی معلوم قیلگن اکسینوف "خوفسیزلیک و تیگیشلی باشقرمه لر فعالیت آلیب بارماقده" دیب ایتدی.

RBK – اوکراین خبر سایتی هم اوکراین خوفسیزلیک سرویسی (SBU) منبعلریگه تیانتیریب "قیریم کوپریگی نینگ ساختمانیده گی بوزیلیش" سببی حقیده خبر نشر قیلیندی.

خبرده قیریم کوپریگی گه قول اوریلگن هجوم نینگ  اوکراین خوفسیزلیک سرویسی (SBU) و اوکراین دینگیز کوچلری تامانیدن ریجه لنگن لیگی و سوو اوستی هیداوچیسیز هوا واسطه لری نینگ یاردمی بیلن عملگه آشیریلگن لیگی معلوم قیلیندی.

خبر سایتی گه بیانات بیرگن مذکور منبع نینگ "کوپریک که سوو اوستی درونلر آرقه لی هجوم اویوشتیریلدی. کوپریک که ایریشیش قیین ایدی بیراق نتیجه ده بونی عملگه آشیریش ممکن بولدی." دیب ایتگن لیگی گه اورین بیریلدی.

کوپریک که 2022 ییلی نوامبر آییده هم یوزبیرگن پارتلش عاقبتیده 3 کیشی حیاتینی یوقاتگندی.