بایدن ایردوغان گه منتدارلیک بیلدیردی
ایککی دولت رهبری لیتوانیانینگ پایتختی ویلنیئوس ده بولیب اوتگن ناتو ییغینیده اوچره شدی
امریکا قوشمه ایالتلری دولت باشلیغی جو بایدن سویدن نینگ ناتو اعضالیگی گه قبول ایتیلیشی توغریسیده تورکیه بیلن بولیب اوتگن کیلیشووگه دقت تارتیب "جمهور باشلیغی ایردوغان؛ جسارتینگیز، رهبریتینگیز و دیپلوماسینگیز طفیلی منتدارمیز" دیدی.
بایدن لیتوانیانینگ پایتختی ویلنیئوس ده اویوشتیریلگن ناتو ییغینی بیلن تیگیشلی تویتر آرقه لی نشر قیلگن پیامیده جمهور باشلیغی رجب طیب ایردوغان بیلن قیلگن صحبت نینگ ویدیوسینی نشر قیلدی.
امریکا دولت باشلیغی بایدن "تورکیه، سویدن نینگ ناتوگه اعضالیک که قبول ایتیلیشی توغریسیده تاریخی بیر کیلیشووگه قول قویدی. جمهور باشلیغی ایردوغان؛ جسارتینگیز، رهبریتینگیز و دیپلوماسینگیز طفیلی منتدارمیز" دیدی.
بو ییغین نینگ ناتونینگ مدافعه سیگه صادقلیگینی ینه بیر بار تصدیقله گن لیگینی معلوم قیلگن بایدن "بونی ینه ده کوچه یتیریش گه دوام ایته میز دیب امید قیله من" دیدی.
بایدن ویلنیئوس ده گی ناتو ییغینی دایره سیده جمهور باشلیغی بیلن اوچره شگن صحبتیده هم ایردوغان گه سویدن بیلن آلیب بارگن دیپلوماسی و کورستگن لیدرلیگی اوچون منتدارلیک بیلدیرگندی.
جمهور باشلیغی ایردوغان هم تویتر آرقه لی جو بایدن گه جواب بیردی.
تورکیه اوله راق هردایم گی دیک ناتونینگ کینگه یشی گه و اتفاق نینگ کوچه یشی گه صمیمیت و مسؤلیت حسی بیلن قوللب – قوتلش گه دوام ایته جکلرینی اورغوله دی ایردوغان جنابلری.
"تروریزم گه قرشی کوره ش قاله ویرسه خوفسیزلیک تهدیدلریگه قرشی اتفاقیمیزنینگ فکر بیرلیگی ایچیده کوچلی ییچیملر یراتیشی نینگ و متفقلر اورته سیده گی مناسبت نینگ ینه ده کوچه یشی نینگ منطقوی و گلوبال تینچلیک نینگ ایجاد ایتیلیشیده بویوک رول آله جگی گه ایشانه من. تورکیه نینگ مشروع خوفسیزلیک قیغولری و ایککی تامانلیک قازانیش تمایلی اساسیده شکللنگن منطقوی و گلوبال کینگه یشلر حسابگه آلینر ایکن بیز صمیمی یانداشوویمیزگه دوام ایته میز. سیز اتفاققه بیرگن شخصی همکارلیگینگیز، یخشی تیلکلرینگیز و مقتاولرینیگیز اوچون منتدارمن حرمتلی دولت باشلیغی." دیدی.
