آنتونیو گوترش اسرائیل نینگ هجوملرینی قاره له دی

بیرلشگن ملتلر تشکیلاتی عمومی منشی سی آنتونیو گوترش, اشغال آستیده گی غربی نوار نینگ جنین شهریده گی ینگیلیکلر سببلی جوده خواطرده ایکن لیگینی بیلدیررایکن, "عادی اهالی گه قره تیلگن برچه زوروانلیک و ترورچیلیک فعالیت لرینی قاره له یمن" دییه قید ایتدی. 

گوترش, امریکا قوشمه ایالتلری نینگ نیویورک شهریده گی بیرلشگن ملتلر تشکیلاتی بناسیده ژورنالیست لرنینگ سئوال لری گه جواب قیتردی. 

گوترش, انادولو آژانسی ژورنالیستی نینگ, "بیانات لرینگیزده گی قاره لش اسرائیل بیلن علاقه لی می؟" شکیلده گی سئوالی گه, "اوشبو قاره لش برچه افراطی زوروانلیک لرنی قمره ماقده و افراطی شکیلده زوروانلیک قیلگن تامان اسرائیل بولدی" دییه جواب قیتردی. 

گوترش, مزدحم بیر مهاجر لر کمپی گه اسرائیل نینگ اویوشتیرگن هجوم لری نینگ غربی نوارده سونگّی ییل لر نینگ اینگ یامان زوروانلیک حادثه لرینی تشکیل ایتگن لیگینی بیلدیررایکن, اوشبو حادثه لرنینگ عادی اهالی گه قتتیق تاثیر قالدیرگن لیگینی معلوم قیلدی. 

کسلخانه لر, مکتب لر بیلن سوو و برق زیربنا لری گه قتتیق ضرب ییتکزیلگن لیگینی معلوم قیلگن گوترش, یاردم گه محتارج کیشی لرنینگ طبی یاردم آلیش لری گه توسقین لیک قیلینگن لیگینی ایسله تیب اوتدی. 

گوترش, "ینه بیر بار اسرائیل نی خلق ارا حقوققه اویغون بیر شکلده اوز مسئولیت لرینی بجا کیلتیریش و معتدل بولیش گه چقیره من. اسرائیل نینگ, موازنه لی کوچدن فایده له نیشی کیره ک. اسرائیل نینگ انسانلرنینگ اولیمی گه سبب بولمس لیگی شرط" دییه قید ایتدی.

خوفسیزلیک سببلی اویوشتیریاتگن عملیاتلریده هوا هجوملری اویوشتیرمس لیگی کیره ک ایکن لیگینی بیلدیرگن گوترش, اوز سوز لرینی, "اسرائیل نینگ خوفسیزلیک معما لری نی درک ایتیشی میز بیلن بیرگه بحران نی آرتیریش نینگ بیر ییچیم یولی دن عبارت ایمس لیگینی هم بیلدیرماقچی من.  زوروانلیک افراطی له شیش و ینه ده کوپراق قان توکیلیشی گه آلیب کیله دی" شکلیده دوام ایتدیردی. 

گوترش, عادی اهالی گه قره تیلگن برچه زوروانلیک و ترورچیلیک فعالیت لری نی قاره له گن لیگینی بیلدیردی.