چین جوزپ بورل نینگ پکن سفرینی کنسل قیلدی

چین, اروپا اتفاقی تشقی علاقه لر و خوفسیزلیک سیاستی عالی نماینده سی جوزپ بورل نینگ کیلگوسی هفته اوچون ریجه لنگن پکن سفرینی کنسل قیلدی.

ساوت چاینا مورنینگ پُست نینگ خبری گه کوره, اروپا کمیسیونی سوزچی لری دن بیری بولگن نبیلا مسرالی, چین تامانیدن بورل نینگ سفری نینگ "10- جولای کونی بولیشی نینگ ایندی ممکن ایمس لیگی و باشقه الترناتیف لرنینگ قیدیریلیشی کیره ک ایکن لیگی" نینگ بیلدیریلگن لیگینی معلوم قیلدی. 

اروپا اتفافی نینگ پکن ایلچیسی, یکشنبه کونی بیرگن بیاناتیده بورل نینگ 10- جولای کونی پکن گه سفر قیله دیگن لیگینی بیلدیرگن ایدی. 

ایلچی, بورل نینگ چین تشقی ایش لر وزیری و باشقه یوقاری مرتبه مسئول لر بیلن اوچره شیب روسیه – اوکراین اوروشی, انسان حق لری و تجارت کبی موضوع لر حقیده گپیره دیگن لیگینی معلوم قیلگن ایدی.

بورل, 13- و 15- اپریل کون لری چین گه قیله دیگن سفرینی کرونا ویروس نی یوقتیریب آلگن لیگی باعث معطل قیلگن ایدی.