امریکا قوشمه ایالتلری اسرائیل گه عکس العمل کورستدی

امریکا قوشمه ایالتلری, اسرائیل حکومتی نینگ اشغال استیده گی غربی نوارده ناقانونی یهودی تورر جای لر قوریش و کینگیتیریش نی جدللشتیریش اوچون شرایط تامین ایتیب بیره دیگن قراری گه قرشی عکس العمل کورستدی. 

امریکا قوشمه ایالتلری تشقی ایشلر وزیرلیگی سوزچیسی ماتیو میلر, اوشبو توغریده بیانات بیردی. 

میلر, بیرگن بیاناتیده, "امریکا قوشمه ایالتلری, اسرائیل نینگ اشغال آستیده گی غربی نوارده 4 مینگ دن آرتیق تورر جای پلانیده آلغه کیتیش قراری بوییچه جوده راحتسیز" دییه قید ایتدی. 

میلر, اسرائیل نینگ تورر جای لرنینگ اداره سی بیلن علاقه لی سیستمده قیلینگن, تورر جای لرنینگ پلانله نیشی و تصدیقله نیشی نی تیزلشتیره دیگن اوزگریش لر توغریسیده گی خبر لر بوییچه قیغولی ایکن لیکلرینی بیلدیردی. 

میلر, امریکا نینگ, اوزاق بیر مدت دن بیری ایکّی دولتلی ییچیم نی قیین لشتیره دیگن و تینچلیککه توسقین لیک قیله دیگن بونده ی بیر تامانلمه فعالیت لر گه مخالفت ایتیب کیلیاتگن لیگینی معلوم قیلدی. 

سوزچی, "اسرائیل حکومتی نی اردن نینگ عقبه شهری و مصر نینگ شارم الشیخ شهریده بیرگن وعده لری گه وفا قیلیش و بحران لر نی آزه یتیریش بوییچه مذاکره گه چقیره میز" دییه قید ایتدی. 

اسرائیل دولت نشرات اورگانیدن عبارت KAN, اسرائیل حکومتی نینگ بوگون بولیب اوته دیگن هفته لیک کابینه ییعیلیشیده ینگی تورر جای لرنینگ قوریلیشی اوچون کیره کلی اجازت لرنی آلیش پروسه سی نی "مهم مقیاسده قیسقرتیریش" بوییچه قرار نی تصدیقله یدیگن لیگینی بیلدیرگن ایدی.