قاره دینگیز حبوبات و غله کیلیشوویده بعضی بیر معما بار

بیرلشگن ملتلر تشکیلاتی باش کاتبی انتونیئو گوترش قاره دینگیز حبوبات - غله تشبثی و بیرلشگن ملتلر تشکیلاتی بیلن روسیه اورته سیده گی کیلیشوو بیتیمی نینگ عملی قیلینیشی بیلن تیگیشلی بعضی بیر مهم معمالرنینگ دوام ایتیب تورگن لیگینی ایتدی.

گوترش بیرلشگن ملتلر تشکیلاتی خوفسیزلیک کینگشیده، توقنه شووده تینچ اهالی نینگ قوریقلنیشی بوییچه بولیب اوتگن جلسه ده سوزگه چیقدی.

انتونیئو گوترش روسیه نینگ اوشبو اورونیش پروگرامی گه ینه 60 کون قتنشیش گه دوام ایته جگینی تایید ایتیشی نینگ ممنونیت بیرووچی ایکن لیگینی معلوم قیلدی.

گوترش "بعضی بیر مهم معمالر دوام ایتماقده. بیراق روسیه، اوکراین، تورکیه و بیرلشگن ملتلر تشکیلاتی وکیللری بو معمالر بوییچه اوچره شیش گه دوام ایته دی" دیدی.

اوکراین و روسیه دن آذیق – اوقات و کود کیمیاوی صادراتی نینگ گلوبال تداریک زنجیری گه ییتکیزیلیشی نینگ کیلگوسیده هم دوام ایتیشینی کوتگن لیکلرینی اورغولب اورونیش نینگ بونی مقصد قیلیب آلگن لیگینی و بیرلشگن ملتلر تشکیلاتی نینگ هم بونی قوللب – قوتلش گه دوام ایته جگینی تیلگه آلدی.