جهان ساغلیکنی سقلش تشکیلاتی نینگ بودجه سی آرتیریلماقده

جهان ساغلیکنی سقلش تشکیلاتی نینگ 2024 – 2025 باسقیچی بودجه سی نینگ 20 فایز آرتیریلیشی اعضا مملکتلر تامانیدن تعهد ایتیلدی.

جهان ساغلیکنی سقلش تشکیلاتی تامانیدن بیریلگن بیاناتده سویس نینگ ژنو شهریده بولیب اوته یاتگن 76- جهان ساغلیکنی سقلش تشکیلاتی جلسه سیده 2024 – 2025 باسقیچی بودجه سی نینگ تیلگه آلینگن لیگی بیلدیریلدی.

اعضا مملکتلرنینگ اعضالیک توولاولرینی 20 فایز کوپه یتیریش نی تعهد ایتگن لیگی شونده ی بولیب جهان ساغلیکنی سقلش تشکیلاتی نینگ 2024 – 2025 باسقیچی بودجه سینی قبول قیلگن لیگی معلوم قیلیندی.

اوشبو پروگرام اوچون اجره تیله دیگن بودجه نینگ 6،83 میلیارد دالردن عبارت بولیشی بوییچه قرار قبول قیلیب آلینگن لیگی قید ایتیلدی.

جهان ساغلیکنی سقلش تشکیلاتی باشلیغی تدنوم اتانوم گیبریزز اعضا اولکه لرگه بو قرارنی کوچلی بیر شکلده قوللب – قوتله گن لیگی و جهان ساغلیکنی سقلش تشکیلاتی گه بولگن ایشانچلری اوچون منتدارچیلیک بیلدیردی.

بیریلگن بیاناتده اعضالیک توولاولریده گی 20 فایز کوپه یتیریلیش نینگ اوتگن ییل بولیب اوتگن تشکیلات جلسه سیده قبول بولیب اوتگن بیر تعهددن عبارت ایکن لیگی ایسله تیلدی.

حساب بیریش، باشقروو و اقتصاد بیلن تیگیشلی ریفورملرنی اوز ایچی گه آلگن جهان ساغلیکنی سقلش تشکیلاتی نینگ مالی امکانیتی بیلن تیگیشلی ایریم موضوعلرنینگ هم جهان ساغلیکنی سقلش تشکیلاتی نینگ 76- جلسه سیده تیلگه آلینه جگی افاده ایتیلدی.

حیات قوتقریش و برچه گه ساغلیک گبی موضوعلرگه بغشلنگن و 21 می تاریخیده باشله گن 76- جهان ساغلیکنی سقلش تشکیلاتی جلسه سی 30 می تاریخیده ادغگه ییتیب باره دی.