ارمنستان باش وزیری نینگ اوغلی بیلن علاقه لی مهم بیر ادعا ترقه تیلدی

ارمنستان ده قاره باغ اوروشیده (میلادی 2020- ییل) اولگن بیر عسکر نینگ آنه سی نینگ, باش وزیر نیکول پاشینیان نینگ اوغلی آشوت پاشینیان نی آلیب قاچیرماقچی بولگن لیگی ادعا ایتیلدی.

ارمنستان رسمی خبر آژانسی ارمن پرس نینگ ارمنستان تیرگاو کمیته سیدن آلگن معلوماتی گه کوره, توناون اوزی نی ایکّینچی قاره باغ اوروشیده اولگن عسکر لردن بیری نینگ آنه سی اوله راق تانیتگن بیر عیال, آشوت پاشینیان نی گپیریش بهانه سی بیلن موتری گه چقیردی و پاشینیان موتر گه مینیشی آرتیدن ترافیک قاعده لری گه مناسبت بولمه گن بیر شکلده موتر نی هیده ب باشله دی. 

اوشبو عیال نینگ موتر نی هیده یاتگن پیتده اوغلی نی ایکّینچی قاره باغ اوروشیده اوندن سوره مسدن اوروش گه آلیب کیتیلیب اولدیریلگن لیگینی بیلدیرگن لیگینی ایسلتگن آشوت پاشینیان, مذکور عیال نینگ قولدن بیریب قویه دیگن بیر نرسه سی قالمه گن لیگی سببلی اونی آلیب باریب اولدیریشی نینگ ممکن ایکن لیگینی معلوم قیلگن لیگینی ادعا ایتدی. 

پاشینیان, عیال نینگ یواش هیده گن پیتده موتر دن اوزینی تشله گن لیگینی بیلدیردی. 

یینگیل یره لنگن شکلده یولده کوتیب تورگن آشوت پاشینیان نی باشقه بیر موتر نینگ اوریب کیتگن لیگی و خوددی شوو موتر ده گی کیشی لرنینگ هم ایکّینچی قاره باغ اوروشیده اولگن عسکرلرنینگ آته آنه لری ایکن لیگی بیلدیریلدی.