حبوبات و غله تشبثی بیلن تیگیشلی روسیه تامانیدن بیانات بیریلدی

روسیه دولت رئیسلیک سرایی کرملین سوزچیسی دیمیتری پیسکوف قاره دینگیز حبوبات و غله تشبثی بیلن تیگیشلی حلی گچه آلینگن هیچ قنداغ بیر قرار یوقلیگینی بیلدیردی.

پیسکوف پایتخت مسکوده قاره دینگیز حبوبات و غله تشبثی بیلن تیگیشلی بیانات بیردی.

موضوع بیلن تیگیشلی هیچ قنداغ قرارنینگ قبول قیلیب آلینمه گن لیگینی افاده ایتگن پیسکوف،

"بو توغریده انیق بولمه گن بیر نتیجه گه باریش نینگ معقول بولمس لیگینی اویله یمن. معلوم، حلی گچه هیچ بیر قرار بیلدیریلگن یوق. قرارنینگ اعلان قیلینیشینی کوتیشیمیز کیره ک." دیب ایتدی.

تورکیه جمهوریتی ملی مدافعه وزیری خلوصی آقر استانبول ده تورکیه، روسیه و اوکراین مدافعه وزیری اورینباسرلری بیلن بیرلشگن ملتلر تشکیلاتی ییتکچیلری اورته سیده اوتکزیلگن تورت تامانلیک جلسه بیلن تیگیشلی 12 می تاریخیده "حبوبات و غله کیلیشووی نینگ اوزه یتیریلیشی توغریسیده کیلیشوو سری آلغه باریلماقده." دیب ایتگندی.

22 جولایده بولیب اوتگن قاره دینگیز حبوبات و غله کیلیشووی بیلن بوگونگچه 30 میلیون تن حبوبات و غله احتیاجی بولگنلرگه ییتکیزیب بیریلگن لیگی بیلدیریلدی.