سودان ده تامانلر اورته سیده کیلیشوو بولیب اوتدی

سودان ده اردو بیلن تیزکار کمک کوچلری اورته سیده بیر آیدن بیری دوام ایتیب تورگن توقنه شوولرنی توخته تیش اوچون «جده اعلامیه سی» کیلیشوویگه قول قوییلدی.

ملی مطبوعاتده گی خبرلرگه کوره بو اعلامیه امریکا قوشمه ایالتلری بیلن سعودی عربستان تامانیدن سودان ده گی بحرانگه ییچیم تاپیش اوچون سعودی عربستان نینگ جده شهریده باشله تیلگن تامانلر اورته سیده گی اوچره شوولر نتیجه سیده قول قوییلگن.

اعلامیه ده سودان اردوسی و تیزکار کمک کوچی نینگ تینچ اهالی گه زیان ییتکیزووچی هر قنده ی هجومدن قول تارتیشیدن خبر بیریلر ایکن سودان خلقی نینگ منفعتلری نینگ ایککی تامان اوچون بیرینچی اورینده ایکن لیگی تاکییدلنگن.

اعلامیه ده سودان د ه گی برچه تینچ اهالی نینگ توقنه شوو و محاصره آستیده گی منطقه لرنی ترک ایتیب چیقیشلری، تخلیه لرگه رخصت بیریلیشی و تامانلرنینگ انسانپرورلیک سببلر طفیلی اعلان قیلینگن آتشکیسین نی رعایت قیلیشلری طلب قیلینگن.

خوددی شو اعلامیه بیلن تینچ اهالی نینگ احتیاجلری نینگ تامین ایتیب بیریلیشی اوچون انسانپرورلیک یاردم اورونیشلرینی آسانلشتیریش نینگ مقصد قیلیب آلینگن لیگی افاده ایتیلگن.

شونده ی بولیب ایککی تامان سودان نینگ حاکمیتی، بیرلیگی و توپراق بوتونلیگی نینگ قوریقلنیشی بوییچه قرارلیلیکلرینی تاکییدله گنلر.

سودان نینگ پایتختی خرطوم و ایریم شهرلرده 15 اپریل ایرته لب سودان اردوسی بیلن تیزکار کمک کوچلری اورته سیده قوراللی توقنه شوو باشلب کیتگندی.

دنیا ساغلیکنی سقلش تشکیلاتی توقنه شوولرده حیاتینی یوقاتگنلر سانی نینگ 604 گه یره لنگنلر سانی نینگ ایسه 5 مینگ 127 گه ییتگن لیگینی بیلدیرگندی.