اروپا اتفاقی اوکراین – چین رهبرلری نینگ سوزلشووینی ممنونیت بیلن کوتیب آلدی

اروپا بیرلیگی اوکراین دولت باشلیغی ولودیمیر زلنسکی بیلن چین دولت رهبری شی جینپینگ اورته سیده بولیب اوتگن تیلفون سوزلشووینی یخشی بیر ینگیلیک ایتیب بهالندیردی.

بیر اروپا اتفاقی ییتکچیسی زلنسکی – شی نینگ سوزلشووینی بلجیم نینگ پایتختی بروکسلده ژورنالیستلرگه بهالندیریب بیانات بیردی.

"زلنسکی بیلن شی اورته سیده بیر تیلفون سوزلشووی بولیب اوتیشی و علاقه کاناللری نینگ آچیق بولیشی یخشی بیر ینگیلیک" دیب ایتدی.

آتینی توتیلیشینی خواهله مه گن اروپا اتنفاقی ییتکچیسی بو کبی اوچره شوولرنینگ اهمیتینی چین و اوکراینلیک ییتکچیلر بیلن بولگن اوچره شوولرده تاکییدله گن لیکلرینی تیلگه آلدی.

اروپا اتفاقی ییتکچیسی چین نینگ اوکراین و ایریم اولکه لرگه خاص وکیل تعیینلش هدفینی نوت آلگن لیکلرینی معلوم قیلیب بو تشبث بیلن تیگیشلی کوپراق معلومات کوتگن لیکلرینی افاده ایتدی.

اوشبو ییتکچی زلنسکی نینگ اوکراین نینگ توپراق بوتونلیگی، حاکمیت و مستقل لیگی اساسیده گی عادل تینچلیک اورونیشینی قوللب – قوتله گن لیکلرینی، احتمالی تینچلیک اوچره شوولرینی اوکراین نینگ قرار بیره جگینی تاکییدله دی.

چین رهبری شی بیلن زلنسکی روسیه – اوکراین اوروشی باشله گندن بیری ایلک مرته سوزلشوو اوتکزدی.

شی اوروش باشله گندن کیین روسیه دولت باشلیغی ویلادیمیر پوتین بیلن انچه مرته اوچره شگن حالده حتی مسکوگه سفر اویوشتیرگن حالده زلنسکی بیلن هیچ علاقه قورمه گندی.

سوزلشوونینگ آرتیدن چین نینگ بحران نینگ سیاسی ییچیمی اوچون برچه تامانلر بیلن اوچره شیش اوچون اوکراین و ایریم اولکه لرگه خاص وکیل جونتیشیدن خبر بیریلگندی.

زلنسکی هم تینچلیک اوچون توپراق بیرمسلیگینی اوکراین نینگ توپراق بوتونلیگی نینگ 1991 ییلیده گی چیگره ایچیده قیته دن تامین ایتیلیشی کیره ک لیگینی بیلدیرگندی.