اردوغان پوتین بیلن سوزله شدی

تورکیه جمهوریتی جمهوررئیسی رجب طیب اردوغان, تلفن آرقه لی روسیه جمهوررئیسی ولادیمیر پوتین بیلن سوزله شدی. 

جمهوررئیسلیک علاقه باشقرمه سی تامانیدن بیریلگن بیاناتگه کوره, صحبتده, تورکیه بیلن روسیه اورته سیده گی مناسبتلر و منطقه مقیاسیده گی ینگیلیکلر توغریسیده سوز یوریتیلدی. 

اردوغان, اوشبو صحبتده, بوگون ایلک هسته ای یانیلغی کیتیریش مراسمی بولیب اوته دیگن آق قویو هسته ای کوچ سنترالی گه قوشگن حصه سی اوچون پوتین گه منتدارلیک بیلدیردی.

روسیه بیلن اوکراین اورته سیده گی اوروش بوییچه سونگّی ینگیلیکلر و حبوبات کیلیشووی دایره سیده گی فعالیتلر نینگ بهالنتیریلگن مذکور صحبتده, جمهوررئیس اردوغان, قوریلیشی طلب ایتیلگن فعالیت گروپی آرقه لی ینگی ایشلرنینگ قیلینیشی نینگ ممکن ایکن لیگینی ایسله تیب اوتدی.

صحبتده, سوریه ده گی ینگیلیکلر توغریسیده هم سوز یوریتیلدی. 

عینی دمده, روسیه جمهوررئیسی ولادیمیر پوتین, جمهوررئیس اردوغان گه شفا تیلب قالدی.