بالاخره سویدن اعتراف قیلدی

تورکیه نینگ, تروریزم گه قرشی کوره ش بوییچه انیق قدم لر تشله شینی کوتیاتگن سویدن اعتراف شکلده بیانات بیردی. 

نشراتی اورگان لر آرقه لی ایریم بیاناتلر بیرگن سویدن تشقی ایشلر وزیری توبیاس بلسترم, ترور تشکیلاتی پ.ک.ک نینگ سویدن ده کینگ کولملی اوله راق فعالیت یوریتیاتگن لیگی نی اعتراف قیلدی. 

بلسترم, تورکیه نینگ سویدن نینگ ناتو گه اعضالیگینی تصدیق له مه گن لیگی نینگ سببی نینگ, اولکه سیده گی ترور تشکیلاتی پ.ک.ک نینگ کینگیش فعالیت لری دن عبارت ایکن لیگینی بیلدیردی. 

بلسترم, "پ.ک.ک, مخدره مواد ساتیش و سویدن خلقی گه ضرر بیره دیگن فرقلی یوللر بیلن, پول توپلش اوچون توپراق لری میزدن بیر مرکز اوله راق استفاده ایتماقده" دییه قید ایتدی. 

سویدن نینگ ترور تشکیلاتی گه قرشی کوره شیش اوچون تورکیه گه قرشی مسئولیت لری بولگن لیگینی بیلدیرگن بلسترم, 1- جون دن باشلب کوچ گه کیریشی کوتیلیاتگن ینگی تروریزم جزا قانونی بیلن تورکیه نینگ قیغولری نینگ برطرف ایتیله دیگن لیگینی معلوم قیلدی. 

میلادی 2022- ییل 24- فبروری ده باشله گن روسیه- اوکراین اوروشی آرتیدن ناتو گه اعضا بولیش نی خواهله گن سویدن بیلن فنلاند بیرگه لیکده مراجعه قیلگن ایدی. 

تورکیه, ترور تشکیلاتی پ.ک.ک و فتو نی حمایه له گن لیگی اوچون اوشبو اولکه لرگه عکس العمل کورسه ترایکن, خوددی شوو ایکّی اولکه دن انیق قدم لر تشله شی نینگ کوتیلیاتگن لیگینی بیلدیرگن ایدی. 

مادرید کیلیشوویده قیلینگن وعده لرنینگ بجا کیتیریلیشی بیلن تورکیه, فنلاند نینگ ناتو گه اعضالیگینی تصدیقله دی.  لیکن سویدن تروریزم گه قرشی کوره ش بوییچه کوتیلگن اقدام نی قیلمه دی.