فینلند جمهور باشلیغی چین - اوکراین دولت رهبرلری نینگ سوزلشووینی بهالندیردی

فینلند جمهور باشلیغی ساولی نینیستو اوکراین دولت باشلیغی ولودیمیر زلنسکی بیلن چین دولت باشلیغی شی جینپینگ اورته سیده بولیب اوتگن تیلفون سوزلشووینی «یخشی خبر» ایتیب بهالندیردی.

اوکراین دولت باشلیغی زلنسکی و چین دولت باشلیغی جینپینگ تیلفون آرقه لی بیر سوزلشوو اوتکزدی.

زلنسکی اوشبو سوزلشوو حقیده اجتماعی ترماق آرقه لی معلومات بیریب "چین دولت باشلیغی شی جینپینگ بیلن اوزون و معنالی بیر تیلفون سوزلشووی اوتکزدیم. بو سوزلشوونینگ و اوکراین نینگ چین بویوک ایلچیسی نینگ تعیینلنیشی نینگ اوزارا مناسبتلریمیزنینگ رواجلنیشی گه کوچلی حصه قوشه جگی گه ایشانه من" دیب ایتدی.

بونینگ آرتیدن فینلند جمهور باشلیغی ساولی نینیستو هم زلنسکی نینگ بیاناتینی نشر قیلیب «یخشی خبر» ایتیب بهالندیردی.