ایککی ییل آلدین اولگن بیر نفر اوییگه قیتیب کیلدی

هندوستانده کوید-19 کسللیگی طفیلی ایککی ییل آلدین اولدی دیب جنازه یاقیش مراسمی اویوشتیریلگن کملش پتیدار اوییگه قیتیب کیلدی.

هندوستان میدیاسیده اورین الگن خبرلرگه کوره کوید -19 کسللیگی طفیلی اولدی دیب اتلگن هندوستان نینگ مادیا پرادیش ایالتی نینگ دهار شهری یشاوچیسی پتیدار ایککی ییل کیین عایله سیگه کیلیب قوشیلگن.

پتیدارنینگ قرینداشی مکیش پتیدار ایسه کملش پتیدارنینگ 2021 ییلی کوید 19- کسللیگی نینگ ایککینچی دالغه سیده آغیر کسل بولیب گوجرات دولت کسلخانه سیگه ییتکیزیلگن لیگینی و کیین کسلخانه تامانیدن اولدی دیب بیریلگن جسد اوچون یاقیش مراسمی اویوشتیرگن لیکلرینی ایتدی.

حیاتینی یوقاتگن لیگی اویلنگن کملیش پتیدارنینگ ایککی ییل کیین عمه سی نینگ اویی نینگ ایشیگینی اوروب کیریب کیلگن لیگینی قید ایتگن مکیش پتیدار عایله نینگ برچه اعضاسی نینگ و قرینداشلرنینگ بو حادثه طفیلی تعجبده ایکن لیکلرینی تیلگه آلدی.

مکیش پتیدار، کملیش پتیدارنینگ ایککی ییلدن بیری قه ییرده ایکن لیگی حقیده معلومات بیرمه گن لیگینی افاده ایتدی.

کنوان منطقه پولیس باشقرووی ییتکچیسی رام سینگ رادوری هم بیرگن بیاناتده عایله سی تامانیدن اولدی دیب اویلنگن پتیدارنینگ انیق حکایه سی نینگ تحقیق نینگ آرتیدن معلوم بوله جگینی قید ایتدی.