هندوستانده حربی مرکزگه هجوم اویوشتیریلدی

هندوستان نینگ شمالیده جایلشگن پنجاب ایالتیده گی حربی قونلغه گه قره ته اویوشتیریلگن قوراللی هجوم عاقبتیده 4 کیشی حیاتینی یوقاتدی.

اردو سوزچیسی تامانیدن بیریلگن بیاناتده باتیندا منطقه سیده جایلشگن حربی قونلغه گه محلی وقت بیلن کیچه لب ساعت 04:35 ده قوراللی هجوم اویوشتیریلگن لیگی بیلدیریلدی.

بیاناتده خوددی شو هجوم عاقبتیده 4 کیشی نینگ اولگن لیگی شونده ی بولیب حربی مرکزنینگ تیگره گیده هجومچیلرنی قیدیروو و قوتقروو اورونیشلری نینگ دوام ایتیب تورگن لیگی افاده ایتیلدی.

باتیندا پولیس ییتکچیسی گلنیت سینگ خورانا NDTV گه بیرگن بیاناتده پولیس کوچلری نینگ حربی قونلغه نینگ تشقریسیده ایکن لیگینی معلوم قیلیب حادثه نینگ ترورچیلیک هجوم ایمس «شخصی خصومت» بولیشی اوستیده باش قاتیرگن لیکلرینی قید ایتدی.