امریکا قوشمه ایالتلریده پولیس ناتوغری آدم نی آتیب اولدیردی

امریکا قوشمه ایالتلری نینگ نیو مکسیکو ایالتیده پولیس, عایله ایچی زورانلیک حادثه سی اوچون چقیریلگن پیتده, ینگلیش بیر اویگه کیریشی آرتیدن ناتوغری آدم نی آتیب اولدیردی. 

پولیس چقیریلگن اویگه باریش اورنیگه باشقه بیر اویگه باردی. 

ایالت پولیسی, ینگلیش اوی نینگ ایگه سی بولگن 52 یاشلی رابرت داتسون نینگ قولیگه تفنگچه آلیب ایشیکنی آچگن لیگی و پولیس تامانیدن آتیب اولدیریلگن لیگینی بیلدیردی. 

فارمینگتون پولیس مسئولی استیف هب پنجشنبه کونی ترقتگن بیر ویدیوده پولیس نینگ ینگلیش بیر اویگه بارگنینی قبول قیلدی. 

آلدینگی کون هم بوستون شهر مرکزیده تطبیق اوتکزیاتگن اف بی آی و امریکا قوشمه ایالتلری اردوسی ضربتی کوچ قوماندانلیگی اعضا لری, ینگلیش بیر هوتل اتاغی گه باسیب کیریب اتاق نینگ ایچیده بیر کیشی نی قولگه آلگن ایدی. 

امریکا قوشمه ایالتلری اردوسی ضربتی کوچ قوماندانلیگی اوشبو حادثه سببلی کیچیریم سوره گن ایدی.