روسیه: بیز امریکا قوشمه ایالتلری بیلن اختلاف نینگ اینگ قیزغین باسقیچیده توریب میز
اوشبو سوزلرنی روسیه تشقی ایشلر وزیری اورینباسری سرگی ریابکوف ایتدی
روسیه تشقی ایشلر وزیری اورینباسری سرگی ریابکوف روسیه نینگ امریکا قوشمه ایالتلری بیلن اختلاف نینگ اینگ قیزغین باسقیچیده ایکن لیگینی ایتدی.
ریابکوف اسپوتینک رادیوده بیرگن بیاناتده، روسیه بیلن امریکا قوشمه ایالتلری اورته سیده گی مناسبت نینگ ازّانچه بحران ایچیده ایکن لیگی گه دقت تارتیب،
"شو وقت امریکا قوشمه ایالتلری بیلن اختلاف نینگ اینگ قیزغین باسقیچیده میز. بو دولت نینگ تورلی جهتدن روسیه بیلن توغریدن توغری هایبرت اوروشی گه کیریشگن لیگینی کوره میز." دیب ایتدی.
ریابکوف بو اوروش نینگ بعضی بیر شکللری نینگ مثلی کوریلمه گن لیگینی گه اشاره قیلیب بولرنینگ حتی ساووق اوروش پیتیده هم یوزبیرمه گن لیگینی تیلگه آلدی.
شو وقت هسته ای توقنه شوو توغریسیده انچه نرسه ایتیلگن لیگینی افاده ایتگن ریابکوف روسیه نینگ هردایم هسته ای اوروشده یوتوق قازانگن تامان بولمه گن لیگینی تیلگه آلگن لیگینی ایسله تدی.
امریکا قوشمه ایالتلری نینگ "اویله مسدن، تحریک ایتووچی و بی پروالیک بیلن" انچه تاماندن وضعیت نی بحرانلشتیریش گه اورونگن لیگینی قید ایتگن ریابکوف دشمنلری نینگ روسیه نی ستراتیژیک بیر مغلوبیت گه اوچره تیش اوچون اساسسیز بیر اعتقادگه ایگه ایکن لیگینی ایتدی.
"بو بوتونله ی بیر آتش بیلن اوینش دیر" دیدی.
ریابکوف امریکا قوشمه ایالتلری نینگ روسیه نینگ حاکمیتی گه و توپراق بوتونلیگی گه تجاوز قیلگن وضعیتده "تورلی چاره – تدبیر کوریش، هر یولدن ایش آلیش" قرارلیلیگی گه اهمیت بیرمسلیگی نینگ اولدیرووچی خطا بوله جگینی ادعا ایتدی.
