امریکا قوشمه ایالتلریده یهودی لر گه قرشی دشمنلیک میزانی آرتیب بارماقده

امریکا قوشمه ایالتلریده گی یهودی لر گه قرشی دشمنلیک واقعه لری میلادی 2022- ییلده اینگ یوقاری درجه گه کوتریلدی. 

امریکا ده گی مهم موسسه لردن بیری بولگن انکار و افترا گه قرشی بیرلیک تامانیدن بیریلگن یازمه بیاناتده, امریکا قوشمه ایالتلریده میلادی 2022- ییلده 3 مینگ 697 یهودی لر گه قرشی دشمنلیک واقعه سی نینگ انیقلنگن لیگی بیلدیریلدی. 

میلادی 2021- ییل بیلن سالیشتیریلگنده یهودی لر گه قرشی دشمنلیک میزانی نینگ 36 فایز گه آشیب کیتگن لیگی بیلدیریلگن بیاناتده, اوشبو رقم نینگ انکار و افترا گه قرشی بیرلیک نینگ واقعه لرنی ثبت قیله باشله گن میلادی 1979- ییلی دن بیری اینگ یوقاری رقم ایکن لیگی معلوم قیلیندی. 

بیاناتده, اینگ کوپ یهودی لر گه قرشی دشمنلیک واقعه سی (585 واقعه) نینگ نیویورک ایالتیده انیقلنگن لیگی بیلدیریلدی. 

اوشبو رقم نینگ کالیفرنیاده 518, نیوجرسی ده 408, فلوریدا ده 269 و تگزاس ده ایسه 211 ایکن لیگی گه دقت قره تیلدی. 

بیاناتده, مذکور 5 ایالتده گی واقعه لر توپلمی نینگ, امریکا قوشمه ایالتلری نینگ همه جاییده گی واقعه لرنینگ 54 فایزی نی تشکیل ایتگن لیگی معلوم قیلیندی.

بیاناتده فکرلری گه اورین اجره تیلگن انکار و افترا گه قرشی بیرلیک ناملی موسسه نینگ باشلیغی جاناتان گرینبلات, "قبول ایتیله آلمه یدیگن بیر شکلده یهودی لر گه قرشی دشمنلیک نینگ بو طریقه آرتیب باریاتگن لیگی اوچون جوده خفه میز" دییه قید ایتدی. 

واقعه لر سانی نینگ آرتیب کیتیشی بوییچه بیرته گینه سبب نینگ موجود ایمس لیگینی معلوم قیلگن گرینبلات, اوز سوز لرینی, "آق تنلیک لرنینگ اوستین ایکن لیگی توغریسیده گی پروپاگند لر, ارتدکس یهودی لر گه قره تیلگن گستاخانه هجوم لر و مسیحی موسسه لر گه قرشی انفجار تهدید لری نینگ آرتیب کیتگن لیگی اوشبو خصوصده تاثیر گه ایگه" شکلیده دوام ایتدیردی.