آسترالیاده اورمان یانغینلری یوزبیرماقده

آسترالیانینگ شمالی توپراق منطقه سیده جایلشگن آلیس اسپرینگز شهری نینگ غربیده یوزبیرگن یانغینلرده قریب 100 مینگ هکتارلیک ساحه گه زیان ییتگن.

ABC News خبر بیریشیچه شهرنینگ غربیده یوزبیرگن 5 ته یانغینده تیوریتجا (وست مک دانل) ملی پارکی نینگ 20 فایزی یانیب کیتگن.

وست مک دانل تاغلری بیولوژیک خیلمه خیللیک و توریزم جهتیدن جوده اهمیتلی.

شهرده حلی گچه 100 مینگ هکتارلیک ساحه یانیب کول بولگن وضعیتده. منطقه ده گی ییریک حیوان فارملری یانیغن گه قرشی قتّیق کوره ش بیرماقده.

شمال توپراقلری اطفائیه و قوتقروو سرویسی تامانیدن بیریلگن بیاناتده منطقه نینگ جنوب تامانلریده کنترول آستی آلیش قیین اورمان یانغین باسقیچی نینگ اپریل آیی نینگ سونگگی گچه اوزه یتیریلگن لیگی و کیلگوسی هفته لرده اورته آسترالیاده یانغین خطری بارلیگی قید ایتیلدی.

2011 ییلیده اورته آوسترالیاده یوزبیرگن یانغینلرده 400 هکتاردن آرتیق چول منطقه سیگه زیان ییتدی.