روس حربی اوچاغی امریکانینگ بمباردمان اوچاغی نینگ چیگره اخلال قیلیشی نینگ آلدینی آلدی

روس حربی اوچاغی نینگ بالتیق دینگیزیده امریکا قوشمه ایالتلری نینگ 2 بمباردمان اوچاغی نینگ چیگره اخلال قیلیشی نینگ آلدینی آلگن لیگی بیلدیریلدی.

روسیه مدافعه وزیرلیگی تامانیدن بیریلگن بیاناتده بیلدیریلیشیچه، بالتیک دینگیزیده امریکا قوشمه ایالتلری هوا کوچلری نینگ 2 ته«B-52H» بمباردمان اوچاغی روس هوا مدافعه سیستمی تامانیدن تثبیت ایتیلگن.  

بیاناتده "غرب حربی منطقه سی نینگ هوا مدافعه کوچلری گه باغلیق SU-35 اوچاغی روسیه فدراسیونی نینگ دولت چیگره سینی اخلال قیلیش نی آلدینی آلیش اوچون اوچدی. بو اوچاق هواده انیقلنگن منطقه گه ماسلندی. روس اوچاغی خارجی حربی اوچاقلرنینگ دولت چیگره سیدن اوزاقلشیشی نینگ آرتیدن قونلغه گه قیتیب قوندی." دیب ایتیلگن.

روس حربی اوچاغی نینگ هوا ساحه سیدن استفاده قیلینیشی بیلن تیگیشلی خلق ارا قانونلرگه ماس شکلده اوچیش اجرا ایتگن لیگی قید ایتیلگن بیاناتده چیگره اخلالی گه رخصت بیریلمه گن لیگی معلوم قیلیندی.

قاره دینگیزده اوتگن هفته امریکا قوشمه ایالتلری نینگ «MQ-9» مودل هیداوچیسیز هوا واسطه سی (درون) روس حربی اوچاغی تامانیدن تعقیب گه اوچره گنیدن کیین خلق ارا سوولرگه قولب توشگن لیگی بیلدیریلگندی.