آذربایجان تورکیه ده زلزله دن تاثیرلنگن لر گه اوی قوریب بیره دی

آذربایجان تشقی ایش لر وزیری جیحون بیره موف, تورکیه ده زلزله دن تاثیرلنگن منطقه لرده 100 میلیون دالرلیک تورر جای, دولت بنا سی و تعلیمی مرکز قوره دیگن لیک لرینی معلوم قیلدی. 

وزیرلیک تامانیدن بیریلگن بیانات گه کوره, بیره موف, اوروپا اتفاقی کمیسیونی و اوروپا اتفاقی حاضرگی دور باشلیغی سویدن نینگ, تورکیه و سوریه ده 6- فبروری کونی یوز بیرگن زلزله لردن تاثیرلنگن لر اوچون بلجیم پایتختی بروکسل ده ترتیب له گن یاردم کنفرانسیده اشتراک قیلدی. 

اوشبو کنفرانسده معروضه قیلگن بیره موف, زلزله آرتیدن تورکیه گه قیدیرو- قوتقرو, ساغلیق پرسونلی و کونگیللی لر دن تشکیل تاپگن 940 کیشیلیک تیم یوبارگن لیک لرینی بیلدیردی. 

بیره موف, تورکیه گه 5 مینگ 300 تن بشری یاردم ییتکزیب بیرگن لیکلری و مربوطه موسسه لرنینگ حسابی گه 45 میلیون دالر پول جونتگن لیک لرینی معلوم قیلدی. 

آذربایجان نینگ بوندن کیین هم قرداش تورکیه نینگ یانیده بوله دیگن لیگی, زلزله آرتیدن قیته قوریش ایش لری بوییچه همکارلیک لری نینگ دوام ایته دیگن لیگینی بیلدیرگن بیره موف, "آذربایجان, منطقه ده 100 میلیون دالرلیک تورر جای, دولت بناسی و تعلیمی مرکز قوره دی" دییه قید ایتدی.