کولمبیاده بیر حربی تیک اوچر قولب توشدی

کولمبیاده بیر حربی تیک اوچرنینگ چوکو منطقه سیده اورمانلیک ساحه ده قولب توشیشی عاقبتیده 4 ته حربی حیاتینی یوقاتدی.

اردو تامانیدن بیریلگن بیاناتده EJC 4227 نمبر حربی تیک اوچرنینگ کوئیبدو شهری نینگ لا پلایتا محله سیده جایلشگن اورمانلیک ساحه گه قولب توشگن لیگی بیلدیریلدی.

حادثه عاقبتیده 4 کیشی نینگ هلاک بولگن لیگی قید ایتیلدی.

کولمبیا جمهور باشلیغی گوستاوو پیترو حادثه ده اولگن حربیلرنینگ عایله لریگه قیغوداشلیک بیلدیریب "افسوسکی حادثه ده هیچ کیم قوتیلمه دی. ییتکچیلرنینگ تیزده منطقه گه باریشی اوچون بویروق بیردیم." دیب ایتگن.

کولمبیا مطبوعاتیده اورین آلگن خبرلرگه کوره اوشبو حربی تیک اوچر عملیاتدن قیتیب کیلگونچه میخانیک بیر قیینچیلیک طفیلی قولب توشگن لیگی تخمین ایتیلماقده.

اجتماعی ترماق آرقه لی نشر قیلینگن بعضی بیر تصویرلرده تیک اوچرنینگ قولب کیتیش آنی اورین آلماقده.