چین دولت باشلیغی روسیه گه سفر اویوشتیره دی

چین دولت باشلیغی شی جینپینگ اولکه سی نینگ روسیه – اوکراین اوروشیده گی یانداشووی و روسیه بیلن یقین بولگن لیگی بیلن تنقید ایتیلگن بیر پیتده مسکوگه سفر اویوشتیره دی.

چین تشقی ایشلر وزیرلیگی سوزچیسی هُوا چونیینگ بیرگن بیاناتده شی نینگ روسیه دولت باشلیغی ویلادیمیر پوتین نینگ دعوتی گه بناً 20-22 مارچ تاریخلریده مسکوگه رسمی سفر اویوشتیریب باریشیدن خبر بیردی.

کرملین سراییدن هم بیریلگن بیاناتده پوتین بیلن شی نینگ اوچره شوویده "روسیه بیلن چین اورته سیده گی مناسبتلر قاله ویرسه ستراتیژیک همکارلیکلرنینگ تیلگه آلینه جگی" بیلدیریلدی.

ایککی دولت رهبری نینگ خلق ارا مقیاسده گی همکارلیگی نینگ چقورلشتیریلیشی توغریسیده هم فکر المه شووی عملگه آشیره جگی معلوم قیلینگن خوددی شو بیاناتده "بعضی بیر مهم حجتلرگه قول قوییله جگی" قید ایتیدی.

شی، روسیه – اوکراین اوشی باشله گندن بوگونگه کیلگنده ایلک مرته روسیه گه سفر اویوشتیره دی. سفرنینگ چین نینگ روسیه – اوکراین اوروشیده گی یانداشووی، امریکا قوشمه ایالتلری بیلن جیوپولیتیک رقابتده روسیه بیلن یقین بولگن لیگی تنقید ایتیلگن بیر پیتده یوز بیریشی دقت تارتگن وضعیتده...