سعودی عربستان اسرائیل هیئتی گه ویزه بیرمه دی

بیرلشگن ملتلر دنیا توریزم تشکیلاتی کنفرانسی گه میزبانلیک قیلیاتگن سعودی عربستان, اوشبو اولکه گه کیلماقچی بولگن اسرائیل هیئتی گه ویزه بیرمه دی. 

اسرائیل دولت نشرات اورگانی (KAN) نینگ بیرگن خبریگه کوره, سعودی عربستان, دنیا توریزم تشکیلاتی کنفرانسی گه دعوت ایتیلگن اسرائیل هیئتی گه ویزه بیرمه گن. 

امریکا نینگ نشرات اورگانی دن عبارت بلومبرگ ریاض رهبریتی نینگ, اوشبو سیاستی بوییچه هیچ قنده ی بیر سبب بیلدیرمه گن لیگی و بیرلشگن ملتلر تشکیلاتی نینگ, "تشکیلات نینگ برچه اعضالری بیلن تینگ رویه قیلینیشی نی " طلب قیلگن لیگی گه قره مسدن, بونده ی بیر وضعیت نینگ بحث موضوعی بولگن لیگینی معلوم قیلدی. 

سعودی عربستان مقام لری تامانیدن ایسه اوشبو خصوصده هیچ قنده ی بیر بیانات بیریلمه دی. 

دنیا توریزم تشکیلاتی نینگ, 18 اولکه ده گی 32 توریستیک قیشلاق حقیده بولیب اوته دیگن و 2 کون دوام ایته دیگن کنفرانس, توناون سعودی عربستان نینگ العلا شهریده باشله گن ایدی. 

سعودی عربستان بیلن اسرائیل اورته سیده دیپلماتیک مناسبت موجود ایمس. 

عینی دمده سعودی عربستان بیلن ایران نینگ 7 ییل آره دن کیین 10- مارچ ده دیپلماتیک مناسبت لرنی ینگی دن باشله تیش بوییچه کیلیشیب آلگن لیگی نینگ, اسرائیل بیلن سعودی عربستان اورته سیده گی "مناسبت لرنینگ توزه لیشی احتمالی" گه منفی تاثیر قالدیره دیگن لیگی اویلنماقده.