هالند بیلن روسیه اورته سیده دیپلوماتیک بحران یوزبیرماقده

هالند حکومتی استخبارات خادملری بولگن لیگی عیبلاوی بیلن بعضی بیر روس دیپلوماتلرنی دیپورت قیلیش و هالندنینگ ست پترزبورگ باش قونسللیگی نینگ یاپیلیش قراری نینگ قبول قیلیب آلینگن لیگی بیلدیریلدی.  

هالند حکومتی نینگ انترنیت سایتی آرقه لی بیریلگن بیاناتده؛

"روسیه، استخبارات خادملرینی دیپلومات پرسونل کورستیب ناقانونی روشده هالندده جایلشتیریش گه دوام ایتماقده" دییلدی.

بیاناتده روسیه نینگ هاندنینگ مسکو بویوک ایلچیلیگی و ست پترزبورگ باش قونسللیگیده گی دیپلوماتلریگه ویزه بیرمه گن لیگی قید ایتیلدی.

هالندنینگ روسیه ده گی دیپلوماتیک خادمدن آرتیق روس خادمی نینگ هالندده قالیشی نینگ ممکن ایمس ایکن لیگی افاده ایتیلگن خوددی شو بیاناتده بعضی بیر روس دیپلوماتلرنینگ هالندنی ترک ایتیشلری کیره ک لیگی تاکییدلندی.

بیاناتده دیپورت قیلینگن روس دیپلوماتلرگه اولکه نی ترک ایتیب چیقیشلری اوچون 2 هفته مدت بیریلگن لیگی و روسیه نینگ امستردام ده گی تجاری دفتری نینگ هم 21 فبروریدن اعتباراً یاپیلیشیدن خبر بیریلدی.

مذکور بیاناتده، روسیه نینگ ویزه بیرمه یشی طفیلی ست پترزبورگ باش قونسللیگیده خذمت بیره دیگن ییترلی پرسونلی بولمه گن هالندنینگ 20 فبروریدن اعتباراً یاپیلیشی معلوم قیلیندی.

روسیه، اوکراین گه 24 فبروریده هجوم اویوشتیریش گه باشله گندن بیر آی کیین جاسوسلیک قیلگن لیگی عیبلاوی بیلن 17 دیپلوماتینی دیپورت قیلگن هالندگه جواب بیریش اوچون 15 ته هالندلیک دیپلومات نی دیپورت قیلگندی.