روسیه – آذربایجان دولت باشلیغلری اوزارا سوزلشوو اوتکزدی

روسیه دولت باشلیغی ویلادیمیر پوتین بیلن آذربایجان جمهورباشلیغی الهام علی یف ایککی اولکه اورته سیده گی همکارلیک و آذربایجان – ارمنستان چیگره سیده برقرارلیک بیلن خوفسیزلیک نینگ تامین ایتیلیشی بوییچه تیلفون آرقه لی سوزلشدی.

آذربایجان جمهور رئیسلیگی تامانیدن بیریلگن بیاناتده بیلدیریلیشیچه، خوددی شو تیلفون سوزلشوویده ایککی اولکه اورته سیده گی اقتصادی و تجاری همکارلیک بیلن بیر قطارده انرژی و ترانسپورت پروژه لری هرتامانلمه تیلگه آلینگن.

جنوبی قفقازیا منطقه سیده گی موجود وضعیت بیلن تیگیشلی به تفصیل فکر المه شووی عملگه آشیریلگن. شونده ی بولیب آذربایجان – ارمنستان چیگره سیده خوفسیزلیک و تینچلیک نینگ اورنه تیلیشی اوچون صمیمی چاره – تدبیرلر آلینیشی نینگ اهمیتی تاکییدلنگن.

سوزلشووده روسیه، آذربایجان و ارمنستان اورته سیده گی اوچ تامانلیک کیلیشوولرنینگ شرطسیز عملی قیلینیشی نینگ اهمیتی تیلگه آلینگن.

شونده ی بولیب آذربایجان بیلن روسیه اورته سیده گی اوچره شوولرنینگ تورلی مقیاسده دوام ایتتیریلیشی قید ایتیلدی.