روسیه اسرائیل نی آگاهلنتیردی

روسیه دولتی اوکراین گه قورال بیریش نینگ بحراننی کوپه یتیره جگی بوییچه اسرائیل نی آگاهلنتیردی.

روسیه تشقی ایشلر وزیرلیگی سوزچیسی ماریه زهاراوه پایتخت مسکوده اویوشتیرگن مطبوعاتی کنفرانسده اوکراین گه قورال بیریش توغریسیده اولکه لرنی جغرافی اساسلرگه کوره اجره تمه گن لیکلرینی معلوم قیلدی.

زهاراوه "(اوکراین گه) قورال بیرگن برچه اولکه لر بو قوراللرنینگ روسیه قوراللی کوچلری اوچون مشروع هدفلر ایتیب قبول ایتیشیمیزنی بیلیشلری کیره ک. اورنیمیز یخشی بیلینه دی. قوشیمچه ویا ینگی قورال تداریک ایتیب بیریلیشی گه اورونیش نینگ بحران نینگ کوپه یشی گه سبب بوله جگی تن آلینیشی کیره ک. برچه بونی بیلیشی کیره ک." دیب ایتدی.

اسرائیل باش وزیری بنیامین نتنیاهو امریکانینگ CNN تلویزیون ترماغی گه بیرگن بیاناتده "اوکراین گه حربی یاردم ییتکیزیب بیریش اوستیده باش قاتیرماقده ایکن لیکلرینی و ایران نینگ قورال تولیدی گه قرشی حرکت گه اوتگن لیکلرینی" بیلدیرگندی.