امریکا قوشمه ایالتلری واگنرنی خلق ارا جنایی تشکیلات دیب تن آلدی

امریکا قوشمه ایالتلری, روسیه نینگ پوللیک عسکری گروهی دن عبارت واگنر نی خلق ارا جنایی تشکیلات دیب تن آلدی. 

امریکا خزانه و تشقی ایشلر وزیرلیکلری, ینگی تحریم قرارلرینی اعلان قیلدی. 

اوشبو قرار بیلن, خلق ارا جنایی تشکیلات اوله راق قبول قیلینگن واگنر گروهی بیلن ارتباطی بولگن کیشیلر و موسسه لر, تحریم لستی گه کیریتیلدی.  واگنر, روسیه نینگ اوکراین ده گی اوروشی بوییچه همکارلیک قیلیش بیلن عیبلنماقده. 

خزانه وزیرلیگی, عادی اهالی گه قره تیلگن هجوملر بوییچه مسئول ایکنلیگی یاکه جرم گه اورتاق ایکنلیگی باعث واگنر گه قرشی قوشیمچه تحریم تطبیق ایتیلگنلیگینی بیلدیردی. 

گرین لایت مسکو هوا یولی شرکتی ایسه واگنر گروهی نی جبهه گه انتقال ایتدیرگنلیگی اوچون تحریم لستی گه کیریتیلدی. 

واگنر گروهی نینگ اینیقسه افریقا ده گی فعالیتلری گه طرفدارلیک بیلدیریاتگن موسسه لر هم تحریم لستی گه کیریتیلدی.

تحریم لستی گه کیریتیلگن تامانلردن بیری هم Africa Politology دن عبارت.

اوشبو موسسه نینگ غربی اولکه لرنینگ افریقا نی ترک ایتیشی اوچون ستراتیژی لر و میکانیزم لر حقیده باش قاتیرگنلیگی باعث تحریم لستی گه کیریتیلگنلیگی بیلدیریلدی.