صربستان جمهوررئیسی: تورکیه غربی بالکان لرده تینچلیک نینگ تامین ایتیلیشی گه سبب بولماقده

صربستان جمهوررئیسی الکساندر ووچیچ, تورکیه نی, غربی بالکان لرده تینچلیک و برقرارلیک نینگ تامین ایتیلیشی گه سبب بولیاتگن بیر اورتاق اوله راق بهالنیتریاتگن لیک لری نی بیلدیردی. 

ووچیچ, قاره دینگیز اقتصادی همکارلیک پارلمنتر اسامبله سی نینگ حاضرگی دور ریاستی نینگ تورکیه گه تاپشیریلگن 60- عمومی کینگشی ییغیلیشیده اشتراک قیلیش اوچون بلگراد گه تشریف بویورگن تورکیه جمهوریتی پارلمانی باشلیغی مصطفی شنتوپ نی قبول قیلدی. 

ووچیچ اوشبو اوچره شوو آرتیدن اجتماعی ترماق آرقه لی بیرگن بیاناتیده, "حرمتلی مهمانی میز, تورکیه پارلمانی نینگ باشلیغی مصطفی شنتوپ بیلن ینه بیر بار اوچره شگنیم اوچون خرسند من.  اوشبو اوچره شوودن فایده له نیب حرمتلی دوستیم رجب طیب اردوغان گه سلام لریم نی تقدیم ایتدیم" دییه قید ایتدی. 

شنتوپ بیلن بولیب اوتگن اوچره شووده ایکله اولکه اورته سیده گی مناسبت لر حقیده بحث ایتگن لیک لری نی بیلدیرگن ووچیچ, اقتصادی مناسبت لر, انرژی خوفسیزلیگی, اولکه سیده گی تورک شرکت لری و منطقه مقیاسیده گی مسئله لر توغریسیده هم سوز یوریتگن لیک لری نی معلوم قیلدی. 

تورکیه نینگ منطقه ده کتته رول گه ایگه ایکن لیگی نی بیلدیرگن ووچیچ, اوشبو بیاناتیده, "صربستان, تورکیه نی غربی بالکان لرده تینچلیک و برقرارلیک نی قوریاتگن, فقط گینه صربستانده ایمس, بلکه منطقه اولکه لری نینگ وطنداش لری نینگ خوفسیزلیگی گه هم حصه قوشیاتگن, زیربنا و انرژی ساحه سی بوییچه پروژه لر نی قوللب- قوتلیاتگن بیر اورتاق اوله راق بهالنتیرماقده" دییه قید ایتدی.