جمهوررئیس اردوغان اندونزیا ده بولیب اوتگن رهبر لر ییغیلیشی حقیده بیانات بیردی

اندونزیا ده بولیب اوتگن جی 20 رهبر لر ییغیلیشیده اشتراک قیلیشی آرتیدن تورکیه گه تشریف بویورگن تورکیه جمهوریتی جمهوررئیسی رجب طیب اردوغان, تورکیه نینگ جی 20 گه حصه قوشیش گه دوام ایته دیگن لیگی نی بیلدیردی. 

جمهوررئیس اردوغان اوشبو توغریده اجتماعی ترماق آرقه لی بیانات بیردی. 

اردوغان اوشبو بیاناتیده, "جی 20 رهبر لر ییغیلیشیده اشتراک قیلیش اوچون اندونزیا گه باریب کیلدیک.  تورکیه, خلق ارا مقیاسده بیز دوچ کیلیاتگن رقابت لر گه قرشی رهبرلیک وظیفه سی نی موفقیت بیلن آلیب باریاتگن جی 20 گه حصه قوشیش گه دوام ایته دی" دییه قید ایتدی. 

اردوغان, اوشبو بیاناتیده, تورک بیراغی بیلن جی 20 رهبر لر ییغیلیشی دایره سیده گی اوچره شوو لری بوییچه ایریم ویدیو تصویر لر گه هم اورین اجره تدی. 

جاری ییلده 17- جی 20 رهبر لر ییغیلیشی نوامبر آیی نینگ 15- و 16- کون لری آره سیده اندونزیا نینگ بالی ارالی ده "بیرلیکده کوچه یش و کوچ نی ینه ده آرتیریش" عنوانی بیلن بولیب اوتگن ایدی.