نایجریاده سوو تاشقینلری طفیلی یوزلب کیشی جان بیردی

نایجریاده یوز بیرگن سوو تاشقینلری عاقبتیده 600 دن آرتیق کیشی نینگ اولگن لیگی 82 مینگدن آرتیق اوی – جای نینگ بوتونله ی ییقیلیب کیتگن لیگی بیلدیریلدی.

نایجریا انسانی ایشلر وزیری سعدیه عمر فاروق موضوع بوییچه بیرگن بیاناتده؛

"افسوسکی 2022 ییلی 16 اکتوبردن اعتباراً 603 ته تلفات بار." دیب ایتدی.

بیریلگن معلوماتلرگه کوره، 1،3 میلیون کیشی اوی – جاییدن بدرغه بولیب کیتگن، 82 مینگدن آرتیق اوی – جای بوتونله ی ییقیلیب کیتگن و 110 مینگ هکتارلیک زراعتی ییر بوزیلیب کیتگن.

سوو تاشقینلری عاقبتیده تلفات سانی 500 کیشیدن عبارت ایکن لیگی بیلدیریلگندی بیراق بعضی بیر ایالت حکومتلری نینگ تیارگرلیگی بولمه گن لیگی سبب تلفات سانی نینگ کوپه ییب کیتگن لیگی قید ایتیلدی.

اولکه ده 2012 ییلی یوز بیرگن سوو تاشقینلریده 363 کیشی اولیب 2،1 میلیوندن آرتیق کیشی بدرغه بولگندی.