ناتو اولکه لری مدافعه وزیرلری نینگ ییغیلیشی بولیب اوتماقده

ناتو اولکه لری نینگ مدافعه وزیرلری نینگ ییغیلیشی نینگ ایککینچی کونی جلسه سیده، اوکراین گه حربی یاردم، قورال ذخیره لری نینگ تولدیریلیشی و حساس آست قوریشلری نینگ قوریقلنیشی کبی اساسی باشلیقلر تیلگه آلیندی.

ناتو باش منشیسی ینس ستولتنبرگ بیلن امریکا قوشمه ایالتلری مدافعه وزیری لوید آستین، بلجیم نینگ پایتختی بروکسلده جایلشگن قرارگاده اویوشتیریلگن ناتو مدافعه وزیرلری ییغیلیشی نینگ ایککینچی جلسه سی آلدی مطبوعاتگه بیانات بیردی.

ستولتنبرگ، ناتو متفقلری نینگ تامین ایتگن و 50 اولکه قتنشگن اوکراین مدافعه بوییچه علاقه گروهی تامانیدن قبول بولیب چیققن "اوکراین گه کوپراق مدافعه تیزیمی" پیامی نینگ اهمیتی گه تماس قیلدی.

بیرلشگن ملتلر تشکیلاتی عمومی کینگشیده قبول قیلیب آلینگن و روسیه تامانیدن اوکراین نینگ بعضی بیر منطقه لرینی ناقانونی روشده قوشیب الیشینی قاره لاوچی قراری ممنونیت بیلن کوتیب آلینگن لیگینی افاده ایتگن ستولتنبرگ، بونینگ قانونلر اساسیده گی خلق ارا توزوم نینگ مدافعه قیلینیشی جهتیدن انچه اهمیت گه سزاوار ایکن لیگینی اورغوله دی.

امریکا قوشمه ایالتلری مدافعه وزیری آوستین هم بیرلشگن ملتلر تشکیلاتی عمومی کینگشیده قبول قیلیب آلینگن قرار بوییچه ینس ستولتنبرگ نینگ گپلریگه قوشیلگن لیگینی بیلدیردی.

آوستین اوکراین گه کمک نینگ دوام ایته جگینی تاکییدلب ناتو متفقلری نینگ هم کمکینی کوچه یتیریشی بوییچه بیاناتلردن ممنون ایکن لیگینی تیلگه آلدی.