اردوغان: یونان یلغان گه تَیَنگن بیر سیاست آلیب بارماقده

تورکیه جمهوریتی جمهوررئیسی رجب طیب اردوغان, یونان رهبریتی سیاستی نینگ یلغان گه تینگن لیگی نی بیلدیررایکن, سوریه جمهوررئیسی بشار الاسد بیلن اوچره شیشی نینگ ممکن ایکن لیگی نی ایما ایتدی. 

اردوغان, اوروپا سیاسی جمعیت ییغیلیشی اوچون تشریف بویورگن چک جمهوریتی ده ژورنالیست لر بیلن صحبت قیلدی. 

جمهوررئیس اردوغان, دنیا ده یوز بیریاتگن ینگیلیک لرنینگ تورکیه نینگ اوروپا اتفاقی و اوروپا اوچون اینگ مهم اولکه ایکن لیگی نی کورسه تیب بیرگن لیگی نی ایسله تیب اوتدی. 

اردوغان, "اتفاق اعضاسی اولکه لرنینگ تورکیه بیلن همکارلیک و یخشی قوشنی چیلیک اورنیگه, بحران لرنی آرتیریاتگن لیگی نی کورماقده میز.  اینیقسه شونی ایتیب اوتماقچی من؛ تورکیه نینگ هیچ بیر اولکه نینگ حاکمیتی, توپراغی, حق و حقوقی گه قصدی یوق.  فقط گینه اولکه میز و قبرس تورک لری نینگ منفعت لری نی اسره ب قالیش اوچون کوره شماقده میز.  هر قنده ی بیر تامان و هیچ بیر قوشنی میز بیلن جنجال خواهله مه یمیز. شرقی آقدینگیز و اژه دینگیزی معما لری نینگ خلق ارا حقوق دایره سیده ییچیلیشی نی خواهله گنی میز نی بیر نیچه مراتبه ایتیب اوتدیک.  قالووچی بیر ییچیم اوچون قبرس ارالی ده گی حقیقت لرنی قبول قیلیش کیره ک" دییه قید ایتدی. 

یونان نینگ تورکیه گه قره تیلگن تحریک انتیلیش لری بیلن علاقه لی بیر سئوال گه جواب قیترگن اردوغان, اسم بیرمسدن یونان باش وزیری کیریاکوس میچوتاکیس نی تنقید قیلدی. 

جمهوررئیس اردوغان اوز سوز لری نی, "اوروپا سیاسی جمعیت ییغیلیش لری جریانیده گی صحبت لریم دن محترم راحت سیز بولگن ایمیش. بولرنینگ سیاست لری یلغان گه تینگن وضعیتده. صمیمیت یوق.  بولیشی کیره ک بولگن جایده ایمس لر.  'کیلینگ بیر آره گه کیله یلیک' دیگنی میز ده قیرغاقداش اولکه لر بیلن بیرگه, بونگه یانداشمه یدی لر.  و آره گه کوپلب اولکه لر نی قویماقده.  بیز نینگ هم یونان بیلن گپیره دیگن بیر گپی میز یوق.  بیر کون کیلیب اوچره شیش فرصتی گه ایگه بوله دیگن لیگی میز نی امید ایتیب قاله من" شکلیده دوام ایتتیردی. 

بیریلگن باشقه بیر سئوال گه جواب قیترگن اردوغان, "وقتی کیلگنده بیزنینگ سوریه نینگ باشلیغی بیلن اوچره شیشی میز ممکن.  حاضرچه کیچیک مقیاسلی اوچره شوو لر بولیب اوتماقده" دییه قید ایتدی.