تورکیه روسیه بیلن اوکراین اورته سیده تینچلیک نینگ اورنه تیلیشی اوچون سعی و حرکت قیلماقده

تورکیه جمهوریتی پارلمانی باشلیغی مصطفی شنتوپ, روسیه بیلن اوکراین اورته سیده قالووچی تینچلیک نینگ اورنه تیلیشی اوچون سعی و حرکت قیلیش گه دوام ایته دیگن لیک لری نی بیلدیردی. 

شنتوپ, جی 20 پارلمان باشلیق لری ییغیلیشیده اشتراک قیلیش اوچون تشریف بویورگن اندونزیاده, اوکراین پارلمانی باشلیغی اورینباسری اولینا کوندراتیوک نی قبول قیلدی.

قبولده, شنتوپ, اوکراین پارلمان باشلیغی اورینباسری گه, روسیه نینگ اوکراین ده گی ایریم منطقه لرنی الحاق قیلیش بوییچه قراری نی قیغو بیلن کوتیب آلیاتگن لیک لری نی معلوم قیلرایکن, بونده ی بیر وضعیت نینگ قبول قیلینیشی نینگ ممکن ایمس لیگی نی بیلدیردی. 

شنتوپ, اوشبو وضعیت نینگ 24- فبروری دن بیری دوام ایتیاتگن روسیه بیلن اوکراین اورته سیده گی تینچلیک بوییچه سعی و حرکت لرنی قیین چیلیککه دوچار قیلیب قویگن لیگی نی ایسله تیب اوتدی.

اوکراین غله سی نینگ دنیا بازار لری گه ییتکزیب بیریلیشی بوییچه بحران نینگ هم تورکیه نینگ سعی و حرکت لری بیلن ییچیلگن لیگی نی معلوم قیلگن شنتوپ, اوشبو جهت ده گی تشبث لرنینگ دوام ایته دیگن لیگی نی بیلدیردی. 

شنتوپ, روسیه بیلن اوکراین اورته سیده قالووچی تینچلیک نینگ اورنه تیلیشی اوچون سعی و حرکت قیلیش گه دوام ایته دیگن لیک لری نی بیلدیردی. 

اوکراین پارلمانی باشلیغی اورینباسری اولینا کوندراتیوک ایسه, کوپلب ساحه لر بوییچه و اینیقسه اسیر المه شووی حقیده گی سعی و حرکت لری سببلی تورکیه گه منتدارچیلیک بیلدیردی.