روسیه ده ایکّی یوز مینگ دن آرتیق کیشی عسکرلیککه آلیندی

روسیه مدافعه وزیری سرگی شویگو, اولکه سیده اعلان قیلینگن قسمی سفربرلیک دایره سیده 200 مینگ دن آرتیق کیشی نینگ عسکرلیککه آلینگن لیگی نی معلوم قیلدی. 

شویگو, اوشبو پروسه نینگ دوام ایتیاتگن لیگی نی بیلدیردی. 

عسکرلیککه آلینگن کیشی لر آره سیده کونگیللی کیشی لرنینگ هم موجود ایکن لیگی نی بیلدیرگن شویگو, حربی لر قطاری گه کیرگن خوددی شوو کیشی لرنینگ 80 پلیگون بیلن 6 حربی مرکز ده تعلیم آلگن لیک لری نی معلوم قیلدی. 

"عسکر لرنینگ کیره کلی تعلیم نی آلیش لری آرتیدن جبهه گه کیتیش لری کیره ک" دییه قید ایتگن شویگو, سفربرلیک پروسه سی نینگ کنترول آستیده بولیشی نینگ ضروری ایکن لیگی نی بیلدیردی. 

روسیه ده مجبوری عسکرلیککه جلب دوری نینگ نوامبر آییده باشله یدیگن لیگی نی بیلدیرگن شویگو, خوددی شوو دور نینگ اوزی ده ینه 120 مینگ کیشی نینگ عسکرلیککه آلینه دیگن لیگی نی ایسله تیب اوتدی. 

شویگو, "عسکرلیککه آلینگن کیشی لر, خاص حربی عملیات لرده اورین آلمه یدیگن قطعه لر گه یوباریله دی" دییه قید ایتدی. 

روسیه جمهوررئیسی ولادیمیر پوتین 21- سپتامبر کونی قسمی سفر برلیک اعلان قیلگن ایدی. 

سرگی شویگو هم اوشبو سفر برلیک دایره سیده توپلم 300 مینگ کیشی نینگ عسکرلیککه آلینه دیگن لیگی نی بیلدیرگن ایدی.