استانبول قونلغه سی اروپا مقیاسیده بیرینچی اوریننی ایگلله دی

استانبول قونلغه سی کونده لیک اورته چه 1 مینگ 328 اوچیش بیلن اروپاده بیرینچی بولدی.

ملکی هواچیلیک باشقرووی تامانیدن اجتماعی ترماق آرقه لی بیریلگن بیاناتده، اوروپا هوا سیر و سفر خوفسیزلیگی تشکیلاتی (EUROCONTROL) نینگ اگست آییده گی راپوری گه کوره اروپاده انچه قونلغه حلی گچه کروناویروس (کوید-19) کسلی لیگی آلدینگی اوچیش سانی گه بارمه گن حالده استانبول قونلغه سی 2019 ییلی اگست باسقیچی گه کوره اوچیشلرینی 2،5 فایز کوپه یتردی.

راپورگه کوره استانبول قونلغه سی 8 کونده لیک اورته چه 1 مینگ 328 اوچیش بیلن اروپاده اینگ گاوجوم قونلغه بولدی. 

استانبول قونلغه سی پاریس شارل دوگل، آمستردام، قونلغه لرینی آرتده قالدیریب اروپا مقیاسیده اینگ گاوجوم قونلغه بولگن.

تورکیه اگست آییده کونده لیک اورته چه 3 مینگ 546 اوچیش بیلن اروپا مقیاسیده اینگ گاوجوم 6 – قونلغه بولدی.

خوددی شو راپورگه کوره تورک هوا یولی کونده لیک اورته چه 1 مینگ 473 اوچیش بیلن اروپاده اینگ کوپ اوچیش اجرا ایتگن هوا یول لر قطاریده 3 – اوریننی ایگلله دی.