اوکراین: اوروشده قیرق توقیز مینگ دن آرتیق روس عسکری اولدی

اوکراین قوراللی کوچ لری قوماندان لیگی بیرگن بیاناتیده, روسیه نینگ اوکراین گه قرشی هجوم لری نینگ باشله گن کوندن (24- فبروری) بیری 49 مینگ 50 روس عسکری نینگ اولگن لیگی نی بیلدیردی.

بیاناتده, عینی دمده اوکراین اردوسی نینگ روسیه نینگ 235 اوچاغی, 205 هلیکوپتری, 2034 تانکی, 4403 زرهی واسطه سی, 1134 توپی, 293 راکت سیستمی و 153 هوا مدافعه سیستمی نی یوق قیلگن لیگی بیلدیریلدی.

 بوندن تشقری اوکراین اردوسی نینگ روسیه نینگ 3 مینگ 268 نظامی موتری و 864 اوچووچیسیز اوچاغی نی یوق قیلگن لیگی معلوم قیلیندی. 

روسیه مدافعه وزیرلیگی میلادی 2022- ییل 25- مارچ کونی بیرگن بیاناتیده اوکراین اوروشیده 1351 روس عسکری نینگ اولگن لیگی نی بیلدیرگن ایدی.