میخائیل گورباچُف وفات ایتدی

سابق سویت اتفاقی نینگ سونگّی جمهوررئیسی میخائیل گورباچف وفات ایتدی. 

روسیه فدراسیونی جمهوررئیسلیک اداره سی مرکز کلینیک کسلخانه سی تامانیدن بیریلگن بیاناتده, 91 یاشلی گورباچف نینگ آغیر و اوزون مدتلی بیر کسللیک آرتیدن کیچکی پیتده وفات ایتگن لیگی بیلدیریلدی. 

گورباچف, میلادی 1985- ییلدن باشلب 1991- ییل گه قدر سویت سوسیالیست جمهوریت لر بیرلیگی نینگ اینگ یوقاری باشقرو اورگانی دن عبارت بولگن سویت اتفاقی کمونیست حزبی مرکز کمیته سی نینگ باشلیغی بولیب ایش آلیب باردی. 

باشلتگن پروسترویکا (ینگی له نیش) و گلاسنوست ناملی اصلاحات لری بیلن ساووق اوروش نی اداققه ییتیشتیردی. شونینگ بیلن بیرگه سویت اتفاقی ده کمونیست حزبی نینگ اوستین لیگی هم اداققه ییتگن بولدی. 

گورباچف نینگ میلادی 1991- ییل 25- دسامبرده وظیفه دن چیت له نیشی بیلن سویت اتفاقی هم رسماً ترقه لیب کیتدی.