قطر امیری آلثانی بیلن مصر جمهور باشلیغی السیسی اوزارا سوزلشوو اوتکزدی

قطر امیری شیخ تمیم بن حمد آلثانی، مصر جمهور باشلیغی عبدالفتاح السیسی بیلن اسرائیل نینگ هجوملریگه دوچ قالگن غزه ده گی سونگگی وضعیت نی تیلگه آلدی.

قطر امیرلیک سراییدن بیریلگن یازمه بیاناتده قطر امیری شیخ تمیم بن حمد آلثانی بیلن مصر جمهور باشلیغی عبدالفتاح السیسی نینگ تیلفون آرقه لی سوزلشگن لیگی بیلدیریلدی.

سوزلشووده ایککی اولکه مناسبتلرینی رواجلنتیریش یوللری، غزه ده گی ینگی لیکلر قاله ویرسه منطقوی و خلق ارا ینگی لیکلرنینگ تیلگه آلینگن لیگی قید ایتیلدی.

اسرائیل، هجوم اویوشتیریش تیارگرلیگی کورگن لیگی بهانه سی بیلن 5 اگست جمعه کونی غزه ده اسلامی جهادگه باغلیق ایکن لیگینی ادعا ایتیب بعضی بیر جایلرنی نشان آلیب اورگندی.

هجوملرنینگ آرتیدن غزه دن اسرائیل تامانی گه بیر قطار راکت اوریلگندی. اسرائیل تامانیدن غزه نواریگه قره ته اویوشتیریلگن هجوملر عاقبتیده 14 ته باله و 4 ته خاتین – قیز بیلن بیر قطارده توپلم 44 کیشی حیاتینی یوقاتگندی. بیراق اسرائیل تامانیده ایسه تلفات یوز بیرمه گندی.

تامانلر اورته سیده بولیب اوتگن آتشکیسین 7 اگستده عملی بولیب باشله گندی.