چین اردوسی تایوان تنگه سیده حربی تطبیقات باشلتدی

چین اردوسی, امریکا قوشمه ایالتلری نماینده لر مجلسی باشلیغی نانسی پلوسی نینگ تایوان گه قیلگن سفری آرتیدن, تایوان تنگه سیده تطبیقات باشلتدی. 

چین خلق آزادلیک اردوسی شرق جبهه سی قوماندانلیگی تامانیدن بیریلگن بیاناتده, تایوان تنگه سی نینگ شرقیده گی بعضی منطقه لر گه راکت آتیلگن لیگی و هدف لرنینگ انیق اوریلگن لیگی بیلدیریلدی.

مدافعه وزیرلیگی, پلوسی نینگ اوچاغی نینگ تایوان گه باریب قونیشی آرتیدن, ارال نینگ تیگره گیده ایریم حربی تطبیقات لرنینگ اوتکزیله دیگن لیگی نی معلوم قیلگن ایدی. 

ارال نینگ شمال, جنوبغرب و جنوبشرقیده دینگیز و هوا عنصر لری نینگ اشتراکی بیلن تطبیقات لر, شرقیده راکت تستی و تایوان تنگه سیده اوزون منزللی توپ آتیشی تعلیمی نینگ بولیب اوته دیگن لیگی بیلدیریلگن ایدی. 

7- آگست گه قدر دوام ایتیشی کوتیلگن تطبیقات لر آرقه لی, چین ارال نینگ تیگره گی نی عملده توسیب قویگن وضعیتده. 

آلتی منطقه ده بولیب اوتیاتگن تطبیقات لر سببلی بعضی منطقه لر دن کیمه لر و اوچاق لرنینگ اوتیشی ممکن ایمس.  تنگه دن اوتیش بوییچه خوفسیزلیک قیغولری سببلی قتناو لر ده ایریم قیین چیلیک لرنینگ موجود ایکن لیگی بیلدیریلماقده. 

باشقه بیر تاماندن تایوان مدافعه وزیرلیگی, چین اردوسی گه عاید بیر اوچووچیسیز اوچاق نینگ, پلوسی نینگ کیتیشی آرتیدن توناون کیچه تایوان گه باغلیق کینمن ارالی فضاسیده اوچگن لیگی نی معلوم قیلدی. 

میلادی 1950- ییلدن بیری چین نینگ هیچ قنده ی بیر طیاره سی کینمن آسمانیده اوچمه گن ایدی. 

پلوسی و 5 کیشی لیک کانگرس هیئتی نی تشووچی اوچاق آلدینگی کیچه تایوان گه باریب قونگن ایدی.

ایکّی هفته دن بیری حقیده گپیریلگن, امریکا قوشمه ایالتلری بیلن چین اورته سیده بحران گه سبب بولگن اوشبو سفر, پکن نینگ عکس العملی گه سبب بولگن ایدی. 

چین تشقی ایش لر وزیرلیگی, پلوسی نینگ اوچاغی نینگ تایوان گه باریب قونیشی آرتیدن بیرگن بیاناتیده, اوشبو سفر نی قاره له گن لیگی, مدافعه وزیرلیگی هم ارال نینگ تیگره گیده "ایریم حربی تطبیقات" اوتکزه دیگن لیگی نی بیلدیرگن ایدی. 

تایوان نی اوز توپراق لری نینگ بیر بولگی صفتیده قبول قیلیاتگن پکن, خوددی شوو سفر نی, "حاکمیتی و ارضی تمامیتی نینگ اخلالی" اوله راق بهالنتیریاتگن لیگی و اوشبو وضعیت گه قرشی قتتیق تدبیر لر آله دیگن لیگی نی معلوم قیلگن ایدی.