چین نانسی پلوسی نینگ تایوان گه قیلگن سفری آرتیدن کینگ کولملی تطبیقات باشلتدی

چین خلق آزادلیک اردوسی, امریکا قوشمه ایالتلری نماینده لر مجلسی نینگ باشلیغی نانسی پلوسی نینگ تایوان گه قیلگن سفری آرتیدن کینگ کولملی حربی تطبیقات باشلتدی. 

تطبیقات ده اوزاق منزللی حقیقی مهمات و عادی راکت لر, منطقه ده گی هوا قونلغه لری دن اوچگن مدرن اوروش اوچاق لری اورین آلدی.

شینهوا خبر آژانسی ایسه چین خلق آزادلیک اردوسی نینگ 4-7 آگست ده تایوان نینگ تیگره گیده 6 فرقلی منطقه ده ایریم حربی تطبیقات لر اوتکزه دیگن لیگی نی بیلدیردی. 

مدافعه وزیرلیگی سوزچیسی تان کفی, ارال نینگ شمال, جنوبغرب و جنوبشرقیده دینگیز و هوا عنصرلری نینگ اشتراکی بیلن اورتاق تطبیقات لر, شرقیده عادی راکت تست لری و تایوان تنگه سیده اوزاق منزللی توپ آتیش تعلیمی نینگ بولیب اوته دیگن لیگی نی معلوم قیلدی. 

سوزچی, اوشبو تطبیقات لرنینگ, " چین خلق آزادلیک اردوسی نینگ, پلوسی نینگ تایوان سفری گه مخالفت, ملی حاکمیت و ارضی تمامیت نی قرارلی لیک بیلن مدافعه قیلیش مقصدی گه ایگه" ایکن لیگی نی بیلدیردی. 

امریکا قوشمه ایالتلری نماینده لر مجلسی نینگ باشلیغی نانسی پلوسی و اونینگ بیلن بیرگه بارگن 5 کیشی لیک کانگرس هیئتی نی تشووچی اوچاق, چین نینگ تهدید لری گه قره مسدن توناون تایوان گه باریب قونگن ایدی.