شمالی کوریا جمهوررئیسی: امریکا بیلن اوروش گه تیارمیز

شمالی کوریا جمهوررئیسی کیم جونگ اون, اولکه سی نینگ هسته ای سلاح دن فایده له نیش گه تیار ایکن لیگی نی بیلدیردی. 

دولت خبر آژانسی KCNA نینگ بیرگن خبری گه کوره, کوریا اوروشی نینگ اداققه ییتگن لیگی نینگ 69 ییللیگی مناسبتی بیلن معروضه قیلگن کیم, اولکه سی نینگ امریکا قوشمه ایالتلری بیلن اوروش گه تیار ایکن لیگی نی معلوم قیلدی. 

شمالی کوریا نینگ 7- هسته ای سیناو بوییچه تیارگرلیک اوتکزیاتگن بولیشی نینگ ممکن ایکن لیگی حقیده گی خواطر لرنینگ بحث موضوعی بولیشی آرتیدن اوشبو بیانات بیریلدی. 

اوتگن آیده امریکا قوشمه ایالتلری شمالی کوریا نینگ بونده ی بیر تست نی قیلیشی نینگ ممکن ایکن لیگی نی بیلدیرگن ایدی. 

شمالی کوریا اینگ سونگ میلادی 2017- ییلده هسته ای سلاحی نی سینه گن ایدی.  بیراق کوریا یریم ارالی ده وضعیت ینه کیسکینله شیب بارماقده. 

امریکا قوشمه ایالتلری نینگ شمالی کوریا خاص نماینده سی سونگ کیم, شمالی کوریا نینگ جاری ییلده مثالی کورینمه گن مقدار ده هسته ای سلاح سینه گن لیگی نی بیلدیردی. 

جون آییده جنوبی کوریا هم سکّیز راکت آتیب شمالی کوریا گه جواب قیترگن ایدی.