پوتین نینگ وکیلی افغانستان بوییچه مهم بیانات بیردی

روسیه، افغانستانده ترور تشکیلاتی داعش اعضا بولگن تروریست جنگری سانی نینگ 3 قوات کوپه ییب 6 مینگ گه ییتگن لیگینی بیلدیردی.

روسیه دولت باشلیغی ویلادیمیر پوتین نینگ افغانستان بوییچه وکیلی ضمیر کابلوف پایتخت مسکوده اویوشتیرگن مطبوعاتی کنفرانسده افغانستان بوییچه بیانات بیردی.

افغانستانده طالبان اوتیش دوری حکومتی نینگ فعالیتلرینی بهالندیرگن کابلوف طالبان نینگ اولکه نی باشقریش اوچون "بیرلشتیرووچی" آیدولوژیسی گه صاحب بولمه گن لیگینی افاده ایتدی.

کابلوف افغانستانده گی موجود باشقرووگه قرشی حربی کوچ تشکیل ایته دیگن بیر کوچ بولمه گن لیگینی معلوم قیلدی.

ضمیر کابلوف افغانستانده گی داعش موضوعینی هم تیلگه آلیب خوددی شو گروه نینگ جنگری سانی نینگ کوپه ییب کیتگن لیگی گه اشاره قیلدی.

کابلوف "بولرنینگ سانی 6 مینگ گه ییتدی. طالبان نینگ اقتدارگه کیلیشی (2021 ییلی 15 آگست) و داعش گه قرشی کوچلی آدیملر آتیشی نینگ آرتیدن جنگریلرنینگ سانی 2 مینگ اطرافیده ایدی. شونده ی بولیب 3 قوات کوپه یگن وضعیتده. بو افغانستان وضعیتی نینگ اینگ سلبی تامانینی کورسته دی. چونکه داعشلیکلر نه فقط افغانستان نی عیندمده قوشنی اولکه لرنی هم برقرارسیزلشتشریش یانداشوویده دیر" دیدی.

کابلوف؛

"طالبان، چیکلاولر طفیلی تروریزم گه قرشی کوره ش کوچلری نینگ اوروش ظرفیتلرینی و مالی وضعیتی نینگ مناسب سویه ده قوللب – قوتلش اوچون ییترلی منبع گه ایگه ایمس" دیب گپیردی.