بایدن افغانستان نی ناتوگه کیرمه گن مهم اتفاقچی مقامیدن چیقریب تشله دی

امریکا قوشمه ایالتلری دولت باشلیغی جو بایدن افغانستان نینگ "ناتوگه کیرمه گن مهم اتفاقچی" مقامیدن چیقریلیشی بوییچه کنگره گه معلومات بیردی.

جوبایدن اوشبو قرارینی امریکا قوشمه ایالتلری نماینده لر مجلس باشلیغی نانسی پیلوسی گه بیر مکتوب آرقه لی بیلدیردی.

جو بایدن اوز مکتوبیده "1961 ییلی تاریخلی تشقی یاردملر قانونی نینگ 517 – ماده سی گه بناً افغانستان نی "ناتوگه کیرمه گن مهم اتفاقچی" مقامیدن چیقریش ایسته گیم نی سیزلرگه بیلدیره من" دیب افاده ایتدی.

افغانستان امریکا قوشمه ایالتلری نینگ 44 – دولت باشلیغی بارک اوباما تامانیدن 2012 ییلی "ناتوگه کیرمه گن مهم اتفاقچی" ایتیب تن آلگندی.

امریکا قوشمه ایالتلری تامانیدن بوگونگچه "ناتوگه کیرمه گن مهم اتفاقچی" تن آلینگن 20 ته اولکه موجود.