امریکا قوشمه ایالتلری بیلن چین اورته سیده گی مناسبت لر
اوشبو توغریده آق اوی تامانیدن بیانات بیریلدی
امریکا قوشمه ایالتلری ملی خوفسیزلیک مصلحتچیسی جیک سالیوان و چین کمونیست حزبی مرکزی کمیته سی تشقی ایش لر کمیسیونی دفتری نینگ مسئولی یانگ جیه چی, اولکه لری اورته سیده گی ارتباط کانال لری نینگ آچیق بولیشی کیره ک ایکن لیگی نی بیلدیردی.
امریکا قوشمه ایالتلری دولت رهبرلیگی قصری (آق اوی) تامانیدن بیریلگن یازمه بیاناتده, سالیوان نینگ لوگزامبورگ ده جیه چی بیلن اوچره شگن لیگی بیلدیریلدی.
منطقه و خلق ارا مقیاسده گی خوفسیزلیک موضوع لری بوییچه "صمیمی, معنی لی و فایده لی بیر اوچره شوو" بولیب اوتگن لیگی بیلدیریلگن بیاناتده, امریکا قوشمه ایالتلری بیلن چین اورته سیده گی مناسبت لر توغریسیده اساسی موضوع لر باره سیده هم بحث ایتیلگن لیگی معلوم قیلیندی.
بیاناتده, "حرمتلی سالیوان, اولکه لری میز اورته سیده گی رقابت نینگ باشقریلیشی اوچون ارتباط کانال لری نینگ آچیق قالیشی نینگ اهمیتی گه دقت قره تدی" دییه قید ایتیلدی.
سالیوان و جیه چی, 14- مارچ کونی روم ده یوز مه یوز اوچره شرایکن, 18- می کونی ایسه اوشبو ایکّی کیشی تلفن آرقه لی سوزلشگن ایدی.
علاقه لی ینگی لیکلر
سومالیاده ترور تشکیلاتی الشباب گه قره ته حربی عملیات اویوشتیریلدی
اوشبو حربی عملیات نتیجه سیده کوپلب تروریست جنگری نینگ تاثیرسیز وضعیت گه کیلتیریلگن لیگی بیلدیریلدی