بایدن جاپان گه تشریف بویوردی
جو بایدن جاپان امپراطوری بیلن اوچره شدی
امریکا قوشمه ایالتلری دولت رهبری جو بایدن جاپان گه تشریف بویوردی.
بایدن اوشبو سفری دایره سیده پایتخت ده گی امپراطورلیک قصریده جاپان امپراطوری ناروهیتو بیلن اوچره شدی.
دولت نینگ نشراتی اورگانی دن عبارت NHK اوشبو اوچره شوو نینگ یریم ساعت دوام ایتگن لیگی نی بیلدیردی.
آق اوی تامانیدن بیریلگن بیاناتده, اوچره شووده گی مقصد نینگ, "امریکا خلقی نینگ سلامی نینگ ییتکزیلیشی و جاپان – امریکا مناسبت لری نینگ کوچی نینگ اورغوله نیشی" دن عبارت ایکن لیگی بیلدیریلدی.
عینی دمده بایدن, توکیو ده "جاپان- امریکا قوشمه ایالتلری رهبر لر ییغیلیشی" نینگ مطبوعاتگه یاپیق بولیمیده قیلگن صحبتیده, جاپان باش وزیری کیشیدا فومیو نی "یخشی دوست" اوله راق بهالنتیردی.
امریکا نینگ, "متفقی جاپان نینگ مدافعه سی گه انیق صادق ایکن لیگی نی" بیلدیرگن بایدن, "امریکا قوشمه ایالتلری- جاپان اتفاقی هند- پسیفیک تینچلیک و رفاهی اوچون جوده هم مهم" دییه قید ایتدی.
ایکله اولکه نینگ, "حاضرگی کونده و کیله جکده قیین چیلیک لرنی بیر یقه دن باش چیقاریب ییچه دیگن لیگی" نی بیلدیرگن بایدن, روسیه نینگ اوکراین گه قره تیلگن هجوم لری بوییچه سیاست لری سببلی جاپان گه تشکر بیلدیردی.
جاپان باش وزیری ایسه بایدن نینگ اوشبو سفری نینگ, "امریکا قوشمه ایالتلری نینگ هند- پسیفیک منطقه سی گه قیزیقیشی نی هردایم کوچه یتیره دیگن لیگی نی کورسه تیب بیرگن لیگی نی" معلوم قیلدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی