ایردوغان فینلند و سویدن نینگ ناتوگه مراجعه قیلیشی بیلن تیگیشلی فکر بیلدیردی
بیز اولرنینگ اعضا بولیش طلبی گه یوق دیه میز، دیدی
جمهور باشلیغی رجب طیب فینلند و سویدن نینگ ناتوگه مراجعه قیلیشی بیلن تیگیشلی سوز یوروتدی.
ایردوغان "ناتو خوفسیزلیک تشکیلاتی دیر، ترور تشکیلاتلرینی قبول ایتیشیمیز ممکن ایمس. بو اولکه لر پی کاکا/وای پی جی گه میزبانلیک قیلماقده" دیدی.
ایردوغان جمهور رئیسلیک ملت کتابخانه سیده اویوشتیریلگن "کتابخانه صحبتی" پروگرامی گه قتنشدی.
یاشلرنینگ سواالریگه جواب قیترگن ایردوغان جنابلری، بولووچی ترور تشکیلاتی پی کاکا/وای پی جی گه میزبانلیک قیلگن فینلند و سویدن نینگ ناتوگه اعضا بولیب کیریشی گه "یوق" دیب ایته جکلرینی و سویدن نینگ بیر تروریزم اویه سی ایکن لیگینی ایتدی.
ایردوغان تورکیه گه قورال بوییچه چیکلاو هم عملی قیلگن لیگینی تیلگه آلدی.
ناتونینگ بیر خوفسیزلیک تشکیلاتی ایکن لیگینی اورغوله دی.
ایردوغان "بونقه بیر خوفسیزلیک تشکیلاتی نینگ ایچیده بیز ترور تشکیلاتلری نینگ بولیشینی قبول قیله آلمه یمیز. شونده ی بولیب قرارلی بیر شکلده بو پولیتیکامیزنی دوام ایتتیره میز فینلند بیلن سویدن نینگ ناتوگه اعضا بولیب کیریشی گه یوق دیب ایترلیگیمزنی تیگیشلی دوستلرگه ایتدیک و یولیمیزگه بو شکلده دوام ایته میز" دیب گپیردی.
ایردوغان روسیه – اوکراین اوروشی بیلن تیگیشلی اوله راق تورکیه نینگ بو ایککی اولکه بیلن تینگ پولیتیکا آلیب بارگن لیگینی شونده ی بولیب اوشبو اولکه لرنینگ دولت باشلیغلری ویلادیمیر پوتین و ویلادیمیر زلنسکی بیلن علاقه اوزیب تشلش گه اصلاً نیتلری یوق لیگینی تاکییدله دی.
پوتین و زلنسکی بیلن تیلفون سوزلشوولریده دوام ایتیب تورگن لیکلرینی افاده ایتدی.
ایردوغان "خاص نماینده منی اولرگه جونتدیم و بوندن کیینگی باسقیچده هم شو شکلده دوام ایته میز. چونکه بیر ینگی دنیا حربی یوز بیریشی نینگ نه منطقه میزگه نه دنیاگه هیچ بیر فایده سی یوق" دیدی.
ایردوغان "منطقه ده برقرارلیک عنصری بوله دیگن دولت بولسه او هم تورکیه دیر. بونی قوریقلش گه مجبورمیز" دیب گپیردی.
