تورکیه – امریکا قوشمه ایالتلری تشقی ایشلر وزیرلری اوزارا اوچره شوو اوتکزدی
ایککی اولکه نینگ مشترک فعالیتی تاکییدلندی
تورکیه بیلن امریکا قوشمه ایالتلری نینگ موجود جیوپولیتیک معمالرگه قرشی بیرگه لیکده و یقیندن فعالیت قیلیش قرارلی لیگی تاکییدلندی.
تورکیه جمهوریتی تشقی ایشلر وزیری مولود چاووش اوغلی بیلن امریکا قوشمه ایالتلری تشقی ایشلر وزیری انتونی بلینکن اورته سیده بولیب اوتگن جلسه نینگ آرتیدن اوتکزیلگن مشترک مطبوعاتی کنفرانسده " تورکیه بیلن امریکا قوشمه ایالتلری نینگ موجود جیوپولیتیک معمالرگه قرشی بیرگه لیکده و یقیندن فعالیت قیلیش قرارلی لیگیده دیر" دییلدی.
چاووش اوغلی بیلن بلینکن ناتو متفقی و اورتاغی تورکیه بیلن امریکا قوشمه ایالتلری اورته سیده گی کوچلی همکارلیک نی تایید ایتیش اوچون تورکیه – امریکا قوشمه ایالتلری ستراتیژیک میکانیزمی دایره سیده نیویورکده اوچره شگن لیکلری تذکر بیریلگن.
بیاناتده " تورکیه بیلن امریکا قوشمه ایالتلری نینگ موجود جیوپولیتیک معمالرگه قرشی بیرگه لیکده و یقیندن فعالیت قیلیش قرارلی لیگیده دیر. تشقی ایشلر وزیری چاووش اوغلی بیلن تشقی ایشلر وزیری بلینکن تورکیه – امریکا قوشمه ایالتلری ستراتیژیک میکانیزمی دایره سیده کوتیلگن شکلده اوزارا همجهتلیک نی آچیق و صمیمی دیالوگ یولی آرقه لی رواجلنتیریش نی آماجله ماقده دیر" دیب ایتیلدی.
ایککی وزیرنینگ اورته سیده گی اوچره شووده مدافعه موضوعلری، تروریزم گه قرشی کوره ش، انرژی و آذیق – اوقات خوفسیزلیگی، اقلیم اوزگریشی گه قرشی کوره ش ساحه لریده همجهتلیک و همکارلیک نینگ کوپه یتیریلیشی و تجاری مناسبتلرنینگ کوچه یتیریلیشی بوییچه عملی آدیملرنینگ تیلگه آلینگن لیگی بیلدیریلدی. شونده ی بولیب منطقوی موضوعلرده مصلحتلشیش توغریسیده کیلیشیب آلگن لیکلری تاکییدلندی.
خوددی شو بیاناتده "وزیرلر عیندمده روسیه نینگ قبول قیلینمه یدیگن اوروشی گه قرشی اوکراین نینگ حاکمیتی و توپراق بوتونلیگی گه کوچلی کمکلرینی تایید ایتگنلر دیر. بو چوکاتده تورکیه بیلن امریکا قوشمه ایالتلری اوروش نی اداغگه ییتکزیش اوچون بیر ییچیم تاپیلیشی گه یاردملرینی تکرارله دیلر" دییلدی.
